ఇప్పుడు పాన్ ఇండియా మూవీ లవర్స్ ఎంతో ఆసక్తిగా ఎదురుచూస్తున్న సినిమా పుష్ప 2. ఐకాన్ స్టార్ అల్లు అర్జున్, డైరెక్టర్ సుకుమార్ కాంబినేషన్ లో వస్తున్న ఈ సినిమాపై ఇప్పటికే భారీ అంచనాలు ఏర్పడ్డాయి. పాన్ ఇండియా మూవీగా రిలీజ్ అవుతున్న ఈ సినిమా డిసెంబర్ 5న ప్రేక్షకుల ముందుకు రాబోతుంది. అయితే ఈ సినిమా రిలీజ్ కోసం సౌత్ లోనే కాకుండా నార్త్ లో కూడా ఎంతో ఆసక్తిగా ఎదురుచూస్తున్నారు.
వాళ్లు పుష్ప సినిమాకి ఎంతగా కనెక్ట్ అయిపోయారంటే సినిమా రిలీజ్ రోజు తుపాకులు పేల్చి స్వాగతం చెబుతాం అంటున్నారు. అలాగే మొన్న బీహార్ రాష్ట్రం పాట్నాలో జరిగిన ఈ సినిమా ట్రైలర్ రిలీజ్ ని ఎంతో గ్రాండ్ సక్సెస్ చేశారు. అంతేకాకుండా ఈ సినిమా గురించి అప్పుడే బెట్టింగ్స్ పోల్స్ మొదలైపోయాయిఅక్కడ. ఈ సినిమా మొదటి రోజు 60 కోట్లకి పైగా కలెక్ట్ చేస్తుందని, ఏ మాత్రం పాజిటివ్ టాక్ వచ్చినా కలెక్షన్ 70 నుంచి 80 కోట్లు వస్తుందని అంచనా వేస్తున్నారు.
అదే జరిగితే కనుక అక్కడ బన్నీ రేంజ్,మార్కెట్ అమాంతం మారిపోతుందనటంలో ఏమాత్రం అతిశయోక్తి లేదు. అంతేకాదు పుష్ప 2 సినిమా 70 కోట్లు వసూలు చేసినట్లయితే కనక అక్కడ బాలీవుడ్ బాద్షా షారుక్ ఖాన్ సినిమా అయిన జవాన్ సినిమాని బీట్ అవుట్ చేసినట్లే. ఎందుకంటే జవాన్ సినిమా ఫస్ట్ డే కలెక్షన్స్ 65 కోట్లు. నిజానికి పుష్ప 2 ఫస్ట్ డే కలెక్షన్స్ 70 నుంచి 80 కోట్లు వసూలు చేసినా ఆశ్చర్యపోనక్కర్లేదు.
ఎందుకంటే పుష్ప 2 సినిమాకి ఆ రేంజ్ లో నార్త్ ఇండియాలో క్రేజ్ ఉంది. అలాగే పుష్ప రాజ్ కి డై హార్ట్ ఫ్యాన్స్ కూడా నార్త్ ఇండియాలో ఉన్నారు. ఏది ఏమైనా జాతీయస్థాయి ఉత్తమ నటుడు సినిమా జాతీయ స్థాయిలో సంచలనాలు సృష్టించటానికి సిద్ధంగా ఉంది అనటంలో ఏమాత్రం అతిశయోక్తి లేదు అంటున్నారు సినీ ప్రియులు. ఈ సినిమా ఎలాంటి రికార్డులు నెలకొల్పుతుందో తెలియాలంటే డిసెంబర్ 5 వరకు వేచి చూడాల్సిందే.