ప్రశాంత్ నీల్ దర్శకత్వంలో ప్రభాస్ హీరోగా ‘సలార్’ సినిమా తెరకెక్కిన సంగతి తెలిసిందే. ‘సలార్ సీజ్ ఫైర్’ ప్రేక్షకుల ముందుకు రావడానికి చాలా సమయమే తీసుకుంది. రెండో పార్ట్ ఎప్పుడొస్తుందన్నదానిపై సస్పెన్స్ కొనసాగుతోంది.
ఇంకోపక్క, జూనియర్ ఎన్టీయార్‌తో ప్రశాంత్ నీల్ ఓ సినిమా తెరకెక్కించాల్సి వుంది. అది కూడా రెండు లేదా అంతకన్నా ఎక్కువ భాగాలతోనే తెరకెక్కుతుందన్నది తాజా ఖబర్.
ఇదిలా వుంటే, ప్రశాంత్ నీల్ తెలుగులో ఓ మల్టీస్టారర్ చేసేందుకు సమాయత్తమవుతున్నాడంటూ ఓ గాసిప్ షురూ అయ్యింది. ఇద్దరు ప్రముఖ టాలీవుడ్ హీరోలు ఆ సినిమాలో కనిపించబోతున్నారట. రెండు పవర్ ఫుల్ ఫోర్సెస్.. అనే కాన్సెప్ట్‌తో ఈ ప్రాజెక్ట్ పట్టాలెక్కించబోతున్నాడట ప్రశాంత్ నీల్.
తొలుత కన్నడ, తమిళ హీరోల కాంబినేషన్‌లో అనుకున్నా, పూర్తిగా తెలుగు హీరోల మీదనే ఇప్పుడు ఫోకస్ పెట్టి, ఆ సబ్జెక్ట్‌లో మార్పులు చేర్పులు చేశాడని అంటున్నారు. ఆ ప్రాజెక్ట్ జూనియర్ ఎన్టీయార్‌తో సినిమా తర్వాత వుంటుందా.? ముందే వుంటుందా.? అన్నదానిపై భిన్న వాదనలు వినిపిస్తున్నాయి.
‘ఆర్ఆర్ఆర్’ తరహాలో, రామ్ చరణ్ – ఎన్టీయార్ ఎందుకు ఆ ప్రాజెక్ట్ చేయకూడదు.? అనే వాదన కూడా తెరపైకొచ్చింది. ఏమో, ఎన్టీయార్ స్వయంగా ఈ ప్రాజెక్టులోకి రామ్ చరణ్‌ని తీసుకొస్తాడేమో కూడా.! అసలు జూనియర్ ఎన్టీయార్‌తో ప్రశాంత్ నీల్ తలపెట్టిన ప్రాజెక్టే.. ఇలా టర్న్ అయ్యిందేమో.!