ప్రస్తుతం యంగ్ రెబల్ స్టార్ ప్రభాస్.. రాధా కృష్ణ కుమార్ దర్శకత్వంలో ‘రాధే శ్యామ్’ చేస్తున్నాడు. పూజా హెగ్డే హీరోయిన్ గా నటిస్తుంది. పాన్ ఇండియా మూవీగా రూపొందుతున్న ఈ సినిమాని గోపీకృష్ణ మూవీస్, యూవి క్రియోషన్స్ కలిసి నిర్మిస్తున్నారు. డిసెంబర్ నుంచి హైదరాబాద్ రామోజీ ఫిల్మ్ సిటీలో ఈ సినిమా ఫైనల్ షెడ్యూల్ మొదలవబోతుందట. మొత్తంగా డిసెంబర్ వరకు ఈ సినిమాని ప్రభాస్ కంప్లీట్ చేయబోతున్నాడు.
ఈ సినిమా తర్వాత బాలీవుడ్ దర్శకుడు ఓం రౌత్ తెరకెక్కించబోయో భారీ బడ్జెట్ సినిమా ఆదిపురుష్ లో నటించబోతున్నాడు. ఈ సినిమా 2021 జనవరి నుంచి సెట్స్ మీదై వెళ్ళబోతోంది. ప్రభాస్ రాముడిగా సైఫ్ అలీఖాన్ లంకేష్ గా ఇప్పటి వరకు దర్శకుడు అధికారకంగా పోస్టర్స్ తో వెల్లడించాడు. ఇక త్వరలో ఈ సినిమాలో నటించే హీరోయిన్ తో సహా ఇతర పాత్రలని పరిచయం చేయబోతున్నారట.
ఇక ఈ సినిమా తర్వాత ‘మహానటి’ ఫేమ్ నాగ్ అశ్విన్ దర్శకత్వంలో ప్రభాస్ ఓ సినిమా చేయనున్న సంగతి తెలిసిందే. ప్రభాస్ కెరీర్లో 21వ సినిమా తెరకెక్కబోతున్న ఈ సినిమాని ప్రముఖ నిర్మాణ సంస్థ వైజయంతీ మూవీస్ బ్యానర్ పై అశ్వినీ దత్ సమర్పణలో ప్రియాంక దత్, స్వప్న దత్ నిర్మిస్తున్నారు. సైన్స్ ఫిక్షన్ బ్యాక్ డ్రాప్ లో తెరకెక్కనున్న ఈ సినిమాని భారీ బడ్జెట్ తో హాలీవుడ్ టెక్నికల్ టీం తో నిర్మించాలని మేకర్స్ ప్లాన్ చేస్తున్నారు. పాన్ ఇండియన్ ప్రాజెక్ట్ గా రూపొందనున్న ఈ సినిమాలో బాలీవుడ్ స్టార్ హీరోయిన్ దీపికా పడుకుణే నటించనుంది.
కాగా ‘రాధే శ్యామ్’ దాదాపు 250 కోట్ల బడ్జెట్ తో నిర్మిస్తున్నారని తెలుస్తోంది. అలాగే ప్రభాస్ – నాగ్ అశ్విన్ కాంబినేషన్ లో నిర్మించే సినిమాకి దాదాపు 500 కోట్ల బడ్జెట్ ని కేటాయించినట్టు సమాచారం. ఇక ఆదిపురుష్ సినిమాని 750 కోట్ల బడ్జెట్ తో నిర్మిస్తున్నారని ముందు నుంచి ప్రచారం అవుతోంది. ఇంకా ఈ బడ్జెట్ పెరిగే అవకాశాలున్నాయని అంటున్నారు. అయితే ఈ మూడు సినిమాల బడ్జెట్ కంటే ప్రభాస్ అందుకుంటున్న రెమ్యూనరేషన్ ఎక్కువని చెప్పుకుంటున్నారు. అందుకు కారణం రెమ్యూనరేషన్ తో పాటు లాభాలలో వాటా కూడా తీసుకోబోతున్నాడని మాట్లాడుకుంటున్నారు.