తమిళ్ లో మిస్కిన్ రాజ్ డైరెక్షన్ లో ‘ముగమూడి’ ద్వారా ముంబై ముద్దుగుమ్మ పూజా హెగ్డే హీరోయిన్ గా చిత్ర పరిశ్రమలోకి అడుగు పెట్టింది. ఆ మూవీ అట్టర్ ప్లాప్ అయ్యింది. ఆ తర్వాత తెలుగులో చేసిన కొన్ని సినిమాలు కూడా ఫెయిల్ అయ్యాయి. ‘అరవింద సమేత వీరరాఘవ’ సినిమా నుండి అమ్మడు జాతకం మారిపోయింది. ఆమె చేసిన సినిమాలన్నీ హిట్ అవుతున్నాయి. దాంతో మొదట్లో ఐరన్ లెగ్ అనే ట్యాగ్ ని సొంతం చేసుకున్న ఈ భామ కోసం ఇప్పుడు గోల్డెన్ లెగ్ అంటూ స్టార్ హీరోలు, ద‌ర్శ‌క నిర్మాత‌లు ఎదురుచూస్తున్నారు. పూజా ఎంత పారితోషకం అడిగినా ఇచ్చేందుకు వారు సిద్ధంగా ఉన్నారట.
తాజాగా ఈ ముంబై భామ మరో క్రేజీ మూవీకి గ్రీన్ సిగ్న‌ల్ ఇచ్చిన‌ట్టు తెలిసింది. ఈ సంక్రాంతికి `మాస్ట‌ర్` మూవీతో ప్రేక్ష‌కుల ముందుకొచ్చిన విజ‌య్ ఈ మూవీ త‌రువాత నెల్స‌న్ దిలీప్‌కుమార్‌తో ఓ మూవీ చేయ‌బోతున్నారు. ఈ మూవీ రెగ్యుల‌ర్ షూటింగ్ వ‌చ్చేనెల ప్రారంభం కాబోతోంది. ఈ మూవీ త‌రువాత విజ‌య్ క్రియేటివ్ డైరెక్ట‌ర్ ఏ.ఆర్‌. మురుగ‌దాస్ ద‌ర్శ‌క‌త్వంలో ఓ భారీ మూవీ చేయ‌బోతున్నారు.ఈ చిత్రం కోసం విజ‌య్‌కి జోడీగా చిత్ర బృందం పూజా హెగ్డేని ఎంపిక చేసిన‌ట్టు, ఆమె కూడా ఓకే చేసినట్లు తెలిసింది. త్వ‌ర‌లోనే ఈ చిత్రానికి సంబంధించిన అధికారిక ప్ర‌క‌ట‌న రానున్న‌ట్టు తెలిసింది.
ప్రస్తుతం పూజ తెలుగులో అఖిల్ ‘మోస్ట్ ఎలిజిబుల్ బ్యాచలర్’ షూటింగ్ చివరి దశలో ఉండగా , ప్రభాస్ పాన్ ఇండియా మూవీ ‘రాధేశ్యామ్’లో నటిస్తుంది. త్రివిక్రమ్, ఎన్టీఆర్ కాంబినేషన్లో రాబోతున్న మూవీలో కూడా ఈ భామనే కన్ఫర్మ్ అయినట్లు తెలుస్తుంది. అంతేకాకుండా బాలీవుడ్ లో మరో రెండు కేజ్రీ ప్రాజెక్ట్స్ ని కూడా ఆమె లైన్ లో పెట్టారు. స‌ల్మాన్‌ఖాన్‌తో `క‌బీ ఈద్ క‌బీ దివాలి`, ర‌ణ్‌వీర్ సింగ్‌తో `స‌ర్క‌స్‌` చిత్రాల్లో న‌టిస్తోంది. 2021 మొత్తం తెలుగు, తమిళ ,హిందీ భాషలలో ఈ ముద్దుగుమ్మనే దున్నేయనుంది.