Ram Charan: టాలీవుడ్ స్టార్ హీరోలు రామ్ చరణ్, జూనియర్ ఎన్టీఆర్ కలిసి నటించిన ఆర్ఆర్ఆర్ సినిమా తాజాగా విడుదలైన విషయం అందరికి తెలిసిందే. భారీ అంచనాల నడుమ విడుదలైన ఈ సినిమాకు ప్రేక్షకుల నుంచి విశేష స్పందన లభించింది. అంతే కాకుండా ఈ సినిమా విడుదల అయ్యి బ్లాక్ బస్టర్ హిట్ ను అందుకుని బాక్సాఫీసు వద్ద కలెక్షన్ల వర్షం కురిపిస్తోంది. ఇక ఈ సినిమా సూపర్ హిట్ అయిన సందర్భంగా ప్రస్తుతం చిత్రబృందం సెలబ్రేషన్స్ లో బాగా బిజీ బిజీగా ఉన్నారు. ఇక ఈ సినిమాలో నటించిన ఇద్దరు స్టార్ హీరోలు సైతం సంతోషంతో మునిగితేలుతున్నారు. ఇక సినిమా అనంతరం పవర్ స్టార్ రామ్ చరణ్ బర్త్ డే వేడుకలు కూడా మరింత ఘనంగా జరిగాయి.
మామూలుగానే రామ్ చరణ్ బర్త్ డే అంటే సెలబ్రేషన్ ఒక రేంజ్ లో ఉంటాయి. అలాంటిది బర్తడే కు రామ్ చరణ్ సినిమా విజయం కాస్త తోడవడంతో అభిమానుల ఆనందానికి అవధులు లేకుండా పోయాయి. ఇక తాజాగా రామ్ చరణ్ బర్త్ డే సందర్భంగా శిల్పకళా వేదికలో బర్త్ డే పార్టీ సెలబ్రేషన్స్ జరిగాయి. ఈ నేపథ్యంలోనే బర్త్డే పార్టీకి పలువురు సెలబ్రిటీలు, వరుణ్ తేజ్, దర్శకుడు మెహర్ రమేష్, బాబి, పలువురు ప్రముఖులు, అలాగే భారీ సంఖ్యలో అభిమానులు పాల్గొన్నారు. ఈ కార్యక్రమంలో వరుణ్ తేజ్ మాట్లాడిన మాటలు వైరల్ గా మారింది. ఈ సందర్భంగా వరుణ్ తేజ్ మాట్లాడుతూ..
చిన్నప్పుడు చరణ్ అన్న నన్ను బాగా ఏడిపిస్తూ ఉండేవాడు. అప్పుడు నేను చాలా భయపడేవాడిని. కానీ చిరుత సినిమా తర్వాత మెగాస్టార్ లోని మెచ్యూరిటీ నేను చూశాను. చరణ్ మా అన్న అని చెప్పడం లేదు కానీ చరణ్ అన్న వంటి గొప్ప వ్యక్తులు చాలా అరుదుగా ఉంటారని చెప్పుకొచ్చాడు వరుణ్ తేజ్. ఇలాంటి అన్నకు తమ్ముడుగా ఉన్నందుకు గర్వంగా ఫీల్ అవుతున్నాము. మాములుగా మీకు మేము బర్త్ డే గిఫ్ట్ ఇవ్వాలి కానీ ఈసారి మీరు మాకు అల్లూరి సీతారామరాజు పాత్రను గిఫ్ట్ గా ఇచ్చారని తెలిపాడు వరుణ్ తేజ్. చరణ్ అన్నను ఎవరైనా నోరెత్తి ఒక మాట అనాలి అంటే మీ అందరితో పాటు నేను కూడా అక్కడే ఉంటాను. ముందు మనతో మాట్లాడమని చెప్పండి తర్వాత ఆయనతో మాట్లాడొచ్చు అంటూ రామ్ చరణ్ విమర్శించే వాళ్లకు గట్టిగానే వార్నింగ్ ఇచ్చాడు వరుణ్ తేజ్.