బండ్ల గణేష్ లేట్ గా వచ్చినా పవన్ కళ్యాణ్ తో సినిమా పట్టేసాడు. ఎంతో మంది నిర్మాతలు క్యూలో ఉండగా గణేష్ తన దేవుడు పవన్ కళ్యాణ్ దగ్గర వరం పొందగలిగాడు. ఇదే విషయాన్ని బండ్ల గణేష్ ట్విట్టర్ ద్వారా మనకు తెలియజేశాడు కూడా.
సినిమా అయితే ఖాయం అయ్యింది కానీ దర్శకుడు మీద సస్పెన్స్ కొనసాగుతుంది. ఆ విషయం మీదనే ఈ రోజు ట్వీట్ చేస్తూ పవన్ కళ్యాణ్ అభిమానులకు కొన్ని హింట్స్ ఇచ్చాడు నిర్మాత బండ్ల గణేష్. ఇంతకముందు పవన్ కళ్యాణ్ తో చేసిన దర్శకులు ఈ సినిమాకు పని చెయ్యరని చెప్పుకొచ్చారు. అంటే అందరూ అనుకున్నట్టు త్రివిక్రమ్ కానీ డాలీ కానీ ఈ సినిమా కు దర్శకత్వం చేయడం లేదనేది అర్ధమైంది.
ఇక పవన్ కళ్యాణ్ రేంజ్ సినిమా అంటే ఇప్పుడున్న స్టార్ దర్శకుల్లో కొరటాల శివ, అనిల్ రావిపూడి, సుజీత్ వున్నారు. కొరటాల శివ మరియు అనిల్ రావిపూడి సినిమాలు లైనప్ చూస్తే ఇప్పుడు పవన్ కళ్యాణ్ తో సినిమా చెయ్యడం వీరికి సాధ్యం కాకపోవొచ్చు. పాన్ ఇండియా సినిమా కాబట్టి అటువంటి సినిమా అనుభవం వున్న సుజీత్ ఈ చిత్రానికి దర్శకత్వం వహిస్తారని ఫిలిం నగర్ టాక్.
అయితే ఈ విషయాన్నీ బండ్ల గణేష్ నేరుగా చెప్పకుండా, తన దేవుడు పవన్ కల్యాణే ఈ చిత్ర దర్శకుడి గురుంచి ప్రకటిస్తారు అని చెప్పుకొచ్చారు.
సుజీత్ చిరంజీవితో సినిమా చెయ్యవలిసివుంది. కానీ ఆ సినిమా ఎందుకో రద్దయింది. తాజాగా అందుతున్న సమాచారం ప్రకారం సుజీత్ పవన్ కళ్యాణ్ సినిమా కథ రెడీ చెయ్యడం కోసం మెగాస్టార్ సినిమా మీద ద్రుష్టి పెట్టాలకపోయారట. అందుకే మెగా కాంపౌండ్ కూడా పవన్ కళ్యాణ్ కి మంచి సినిమా వస్తే చాలానే ఉద్దేశం తో సుజీత్ ని మెగా కాంపౌండ్ నుండి పవర్ స్టార్ కోసం వదిలేశారంట. గతంలో బన్నీ కూడా ఇలాగే వకీల్ సాబ్ కోసం వేణు శ్రీరామ్ ని త్యాగం చేసారు. మెగా ఫామిలీ అంతా ఇప్పుడు పవన్ కళ్యాణ్ కి మంచి హిట్ పడాలనే కసితో ఉన్నట్టు తెలుస్తుంది.