Pawan Fans: టాలీవుడ్ ఇండస్ట్రీలో ఉన్న స్టార్ హీరోయిన్లలో సమంత మొదటి స్థానంలో ఉందని చెప్పటంలో సందేహం లేదు. ఒక విజయ్ దేవరకొండ ఓకే ఒక సినిమా ద్వారా టాలీవుడ్ ఇండస్ట్రీలో తనకంటూ మంచి గుర్తింపు సంపాదించుకున్నాడు. ఇండస్ట్రీలో విజయ్ దేవరకొండ క్రేజ్ స్టార్ హీరోలకు ఏ మాత్రం తీసిపోదు. ప్రేక్షకులలో ఇంత ఫాలోయింగ్ ఉన్న ఈ ఇద్దరి కాంబినేషన్ లో వచ్చే సినిమా కోసం ప్రేక్షకులు ఎంతగానో ఎదురు చూస్తున్నారు.
ఇదివరకే వీరిద్దరు మహానటి సినిమాలో కలిసి నటించారు. ఆ సినిమాలో వీరి పాత్ర చిన్నదే అయినప్పటికీ ప్రేక్షకులకు బాగా కనెక్ట్ అయ్యింది. ఆ సినిమా తర్వాత సమంత కొన్ని వివాదాల వల్ల వీరిద్దరి కాంబినేషన్ తో సినిమా సెట్ అవ్వలేదు. ప్రస్తుతం ఇద్దరి కాంబినేషన్లో సినిమా రాబోతోందని వార్తలు వినిపిస్తున్నాయి.శివ నిర్వాణ దర్శకత్వంలో ఈ సినిమా తెరకెక్కుతోంది. ఈ సినిమా షూటింగ్ ఏప్రిల్ 21న మొదలు కానున్నట్టు సమాచారం.
ఇదిలా ఉండగా ఈ సినిమా టైటిల్ కోసం పవన్ కళ్యాణ్ లైఫ్లో మైలురాయిగా నిలిచిన ఖుషి టైటిల్ ని పరిశీలిస్తున్నట్టు వార్తలు వినిపిస్తున్నాయి. ఈ వార్తల్లో నిజం ఉందో లేదో తెలియదు కానీ ఈ వార్తలు విన్న పవన్ కళ్యాణ్ ఫ్యాన్స్ మాత్రం చాలా సీరియస్ అవుతున్నారు. ఆ సినిమా తీయాలంటే మళ్ళీ పవన్ కళ్యాణ్ కి మాత్రమే హక్కు ఉంటుంది. లేదా ఆయన కుమారుడు అకీరా నందన్ చేయబోయే సినిమాకి ఈ టైటిల్ వాడుకున్న పర్వాలేదు. అంతే కాని ఇంకా ఏ హీరో ఖుషి టైటిల్ వాడుకోవటం మేము ఒప్పుకోము అని తీవ్ర ఆగ్రహం వ్యక్తంచేశారు.