తెలుగు చిత్ర పరిశ్రమలో హీరోగా ఎంతో పేరు ప్రఖ్యాతలు సంపాదించుకున్న ఎన్టీఆర్ ప్రస్తుతం తను నటించిన RRRసినిమాని జపాన్ లో అక్టోబర్ 21వ తేదీ విడుదల చేశారు. ఈ క్రమంలోనే సినిమా ప్రమోషన్ కార్యక్రమాల కోసం రామ్ చరణ్ ఎన్టీఆర్ కుటుంబ సమేతంగా జపాన్ లో ఉన్న విషయం మనకు తెలిసిందే. ఇలా జపాన్లో ఇద్దరి హీరోలకు విపరీతమైన ఆదరణ లభిస్తుంది. ఇదిలా ఉండగా జపాన్ లో ఎన్టీఆర్ ఓ ఇంటర్వ్యూలో ఇండియన్ డాన్స్ గురించి మాట్లాడుతూ పలు ఆసక్తికరమైన వ్యాఖ్యలు చేశారు.
ఈ ఇంటర్వ్యూలో భాగంగా ఎన్టీఆర్ డాన్స్ గురించి అలాగే ఇండియన్ డాన్స్ గురించి ప్రశ్నలు ఎదురయ్యాయి. ఈ క్రమంలోనే తారక్ సమాధానం చెబుతూ… డాన్స్ అనేది ఇండియా వాళ్ళ బ్లడ్ లోనే ఉంది.అక్కడ ఎన్నో రకాల డాన్సులు ఉన్నాయి గొప్ప డాన్సర్లు ఉన్నారు చరణ్ వాళ్ళ నాన్న చిరంజీవి గారు ఇండియాలో గొప్ప డాన్సర్ అంటూ రామ్ చరణ్ తండ్రి ప్రముఖ టాలీవుడ్ హీరో చిరంజీవి పై ఆయన డాన్స్ గురించి ఎన్టీఆర్ ప్రశంసలు కురిపించారు.
ఇకపోతే ఇండియాలో ప్రభుదేవా అనే ఒక కొరియోగ్రాఫర్ ఉన్నారని ఆయన అద్భుతంగా డాన్స్ చేస్తారంటూ జపాన్ లో ప్రభుదేవా గురించి కూడా ఎన్టీఆర్ చెప్పుకొచ్చారు. ఇండియాలో ఆయనని ఇండియన్ మైఖేల్ జాక్సన్ అని పిలుస్తాము.అలాంటి వారందరినీ ఆదర్శంగా చేసుకొని మేము చిన్నప్పటి నుంచి డాన్స్ నేర్చుకున్నామని ఈ సందర్భంగా ఎన్టీఆర్ చెప్పడంతో ఈ వ్యాఖ్యలు కాస్త వైరల్ అవుతున్నాయి ఇలా ఎన్టీఆర్ జపాన్ లో చిరంజీవి గురించి చెప్పడంతో మెగా అభిమానుల సైతం ఎంతో సంతోషం వ్యక్తం చేస్తున్నారు.