NTR New Look : ఆరు నెలలు సహవాసం చేస్తే వారు వీరవుతారు వీరు వారవుతారు అన్న సామెత ప్రస్తుతం రామ్ చరణ్ , ఎన్టీఆర్ లను చూస్తే అనిపిస్తుంది. ఇన్నేళ్ల సినిమా కెరీర్ లో ఎన్టీఆర్ ఎపుడు దీక్షలు, మాలలు వేయలేదు. కానీ మొదటిసారి ఆర్ఆర్ఆర్ సినిమా తరువాత ఎన్టీఆర్ హనుమాన్ దీక్ష తీసుకున్నారు. 21 రోజుల పాటు ఆయన దీక్షలో ఉండనున్నారు. ఇక రామ్ చరణ్ ప్రతిసారి అయ్యప్పమాల వేస్తూ ఉంటారు. ఇక ఈసారి కూడా ఆర్ఆర్ఆర్ సినిమా విడుదల తరువాత మాల తీసుకున్నారు.
రామ్ చరణ్ , ఎన్టీఆర్ లు ఆర్ఆర్ఆర్ సినిమాతో మంచి స్నేహితులుగా మారారు. ఇక రామ్ చరణ్ తో సహవాసం ఎన్టీఆర్ నువ్వు కూడా దీక్ష తీసుకునేలా చేసిందేమో అని ఎపుడు అందరూ చర్చించుకుంటున్నారు. ఇక హనుమాన్ జయంతి రోజున ఎన్టీఆర్ హనుమాన్ దీక్ష తీసుకున్నారు. కాషాయ రంగు బట్టలు వేసుకుని గుడిలో అభిమానులతో ఫోటో దిగారు ఎన్టీఆర్. ఈ నయా లుక్ ఫోటో ఇపుడు నెట్టింట్లో వైరల్ అవుతోంది.
ఇక తారక్ తన తదుపరి చిత్రం కొరటాల దర్శకత్వంలో చేయనున్నారు. ఇక ఈ సినిమా షూటింగ్ త్వరలో ప్రారంభం అవుతుంది. ఇక ఉప్పెన ఫేమ్ బుచ్చిబాబు డైరెక్షన్లో ఒక సినిమాకి యంగ్ టైగర్ కమిట్ అయ్యాడు. ఇక ప్రశాంత్ నీల్ దర్శకత్వంలో సినిమా ఉండబోతోందని ఆల్రెడీ స్పష్టత వచ్చేసింది. ఇక ప్రశాంత్ ఈ సినిమాను ఈ ఏడాది చివరకు ప్రారంభించాలని భావిస్తున్నారట. ఇక సినిమా గురించి ఏదో ఒక అప్ డేట్ ఎన్టీఆర్ పుట్టినరోజు వెలువడే అవకాశం ఉందని అభిమానులు అనుకుంటున్నారు. ఆర్ఆర్ఆర్ విజయం తరువాత ఎన్టీఆర్ వరుస సినిమాలతో బిజీగా ఉండనున్నారు.