యంగ్ టైగర్ ఎన్టీఆర్‌కి సంబంధించిన ప్రతి అప్‌డేట్ కోసం ఆయన అభిమానులు ఎంతో ఆసక్తిగా ఎదురుచూస్తుంటారు. తాజాగా ఆయనకు సంబంధించిన అప్ డేట్ ఒకటి రానేవచ్చింది. ఎన్టీఆర్ ఇక నుంచి బుల్లితెరపై సందడి చేయనున్నారు. ప్రముఖ టెలివిజన్ చానల్లో ప్రసారం అయ్యే ‘ఎవరు మీలో కోటీశ్వరులు’ రియాలిటీ షోలో ఎన్టీఆర్ హోస్ట్‌గా రానున్నారు.
ఈ షోకి సంబంధించిన ప్రోమో శనివారం విడుదల అయింది. జెమినీ టీవీ అఫీషియల్‌గా ఎన్టీఆర్ లుక్‌ ప్రమోను శనివారం రిలీజ్ చేసింది. మీలో ఎవరు కోటీశ్వరుడు’ తరహాలో ‘ఎవరు మీలో కోటీశ్వరులు’ అనే రియాలిటీ షోను జెమిని స్టార్ట్ చేసింది. నాలుగు సీజన్లు మా చానల్లో ప్రసారం అయింది. ఈ సారా ఎన్టీఆర్ హోస్ట్ గా ఐదో సీజన్ మాత్రం జెమినిలో ప్రసారం కానుంది. మాటల మాంత్రకుడు దర్శకుడు త్రివిక్రమ్ శ్రీనివాస్ ‘ఎవరు మీలో కోటీశ్వరులు’ ప్రోమోను రెడీ చేశారు.
ఈ షో నిమిత్తం జూనియ‌ర్ ఎన్టీఆర్ భారీగా రెమ్యున‌రేష‌న్ తీసుకుంటున్న‌ట్లు ప్ర‌చారం జ‌రుగుతోంది. అమితాబ్ బచ్చన్ చేసిన కౌన్ బనేగా కరోడ్ పతి టీవీ షోకు దేశవ్యాప్తంగా గొప్ప ప్రజాదరణ రావడంతో.. తెలుగులో ‘మీలో ఎవరు కోటీశ్వరుడు’ పేరుతో చేస్తున్నారు. ఈ ప్రోగ్రాంలో ఇక్కడ ‘కల మీది కథ మీది. ఆట నాది, కోటి మీది’ అంటూ ఎన్టీఆర్ చెబుతోన్న ప్ర‌త్యేక డైలాగులు అల‌రిస్తున్నాయి. చివరగా `మీ రామారావు. ఎందరో మహానుభావులు అందరికి వందనాలు` అని ఫినిషింగ్‌ టచ్‌ ఇవ్వడం హైలైట్‌ అని చెప్పవచ్చు.
https://youtu.be/quA5vQOeTyU