ప్రస్తుతం టాలీవుడ్ లో ప్రముఖులు కొందరు పాలిటిక్స్ లో బిజీగా ఉంటే అది సినిమా రంగాన్ని వాడుకొని పొలిటీషియన్స్ మాత్రం తమ మైలేజ్ ని పెంచుకునే పనిలో ఉన్నారు. అలా ఇప్పుడు టాలీవుడ్ నుంచి రాబోతున్న చిత్రాల్లో ఓ సెన్సేషనల్ బయోపిక్ చిత్రమే “యాత్ర 2” కూడా ఒకటి.
కాగా ఈ చిత్రాన్ని దర్శకుడు మహి వి రాఘవ్ తెరకెక్కిస్తుండగా ఈ చిత్రంలో అయితే మలయాళ స్టార్ నటుడు మమ్ముట్టి దివంగత వై ఎస్ రాజశేఖర్ రెడ్డి పాత్రని పోషించారు. అలాగే ఇపుడు పార్ట్ 2 లో అయితే తన వారసుడు ఇపుడు ముఖ్యమంత్రి వై ఎస్ జగన్ పాత్ర కూడా ఉండడంతో ఈ సినిమాపై మరింత ఆసక్తి నెలకొంది.
ఇక ఈ పాత్రని తమిళ్ నటుడు జీవా పోషిస్తుండగా తాజాగా ఓ ఇంట్రెస్టింగ్ అప్డేట్ అయితే బయటకి వచ్చింది. కాగా ఈ అప్డేట్ ప్రకారం అప్పుడు వై ఎస్, అలాగే జగన్ తో పాటుగా పొలిటికల్ గా ముఖ్యం అయ్యిన నారా చంద్రబాబు నాయుడు పాత్ర కూడా ఒకటి. మరి ఈ పాత్రకి గాను ఇప్పుడు బాలీవుడ్ నుంచి వెర్సటైల్ నటుడు మహేష్ మంజ్రేకర్ ని తీసుకొచ్చారట.
కాగా ఈ నటుడు టాలీవుడ్ లో ఇది వరకే చాలా సినిమాలు చేశారు. అయితే జూనియర్ ఎన్టీఆర్ చేసిన “అదుర్స్” లో విలన్ గా మాత్రం అందరికీ బాగా తెలుసు. మరి తాను ఇప్పుడు చంద్రబాబు పాత్రలో యాత్ర 2 లో కనిపించబోతున్నాడట. మరి కొంచెం దగ్గర పోలికలు ఉండవచ్చు కానీ దర్శకుడు ఎలా తనని ప్రెజెంట్ చేస్తాడో అనేది చూడాలి.