టాలీవుడ్ మోస్ట్ బిజియెస్ట్ సీనియర్ యాక్టర్ నందమూరి బాలకృష్ణ. హిట్ల పై హిట్లు కొడుతూ యంగ్ హీరోలతో పోటీ పడుతున్నాడు బాలయ్య బాబు. అఖండ లాంటి సూపర్ హిట్ కొట్టిన తర్వాత బాలయ్య బాబు తర్వాత మూవైపై అంచనాలు పెరిగిపోయాయి. ఆ తర్వాత గోపిచంద్ మలినేని దర్శకత్వంలో బాలయ్య బాబు తీసిన మూవీ వీర సింహా రెడ్డి. సంక్రాంతి కానుకగా వచ్చిన ఈ సినిమా మంచి టాక్ అందుకుంది. ఇది బాలయ్య బాబు నటించిన 107వ మూవీ. ప్రస్తుతం బాలయ్య బాబు డైరెక్టర్ అనిల్ రావిపూడి దర్శకత్వంలో సినిమా చేస్తున్న సంగతి తెలిసిందే. బాలయ్య బాబు నటిస్తున్న 108వ సినిమా ఇది.
బాలయ్య బాబు అనిల్ రావిపూడి కాంబినేషన్ లో మొదలైన ఈ మూవీ సెకండ్ షెడ్యూల్ ఫిబ్రవరి 3వ వారంలో స్టార్ట్ కానుంది. ఈ సినిమా కథానాయికగా కాజల్ అగర్వాల్ దాదాపు ఫిక్స్ అయిపోయినట్లు తెలుస్తోంది. సినిమా వెంట సినిమా, అన్ స్టాపబుల్ టాక్ షో, మరోవైపు రాజకీయాలు, క్యాన్సర్ ఆసుపత్రి బాధ్యతలు ఇలా బాలయ్య బాబు ఫుల్ బిజీ గా ఉన్నారు.
బాలయ్య బాబు తర్వాతి 109వ చిత్రం గురించి ఇప్పుడు చర్చ మొదలైంది. ఎన్‌బీకే నెక్స్ట్ మూవీ ఎవరు దర్శకత్వం వహించనున్నారో అని సోషల్ మీడియాలో జోరుగా చర్చ జరుగుతుండగా.. మరోవైపు పలు సైట్లు జోరుగా కథనాలు రాస్తున్నాయి. బాలయ్య బాబు కోసం దర్శకులు పోటీ పడుతున్నారు. ఒకరు, ఇద్దరూ కాకుండా ముగ్గురు దర్శకులు ఎన్‌బీకే 109 సినిమా కోసం కథలు వినిపించినట్లు సమాచారం. అయితే ఇప్పుడు ఆ దర్శకుల సంఖ్య నాలుగుకు చేరినట్లుగా తెలుస్తోంది.
కళ్యాణ్ రామ్ తో బింబిసార లాంటి హిట్ సినిమా తీసిన డైరెక్టర్ వశిష్ట్ బాలయ్య బాబుకు ఓ కథ చెప్పారట. దానికి బాలయ్య బాబు కూడా సానుకూలంగా స్పందించినట్లు తెలుస్తోంది. అలాగే బాబీ కూడా బాలయ్య బాబు కోసం కథ సిద్ధం చేశాడని ఇండస్ట్రీలో టాక్ నడుస్తోంది. వీరిద్దరితో పాటు యంగ్ డైరెక్టర్ ప్రశాంత్ వర్మ కూడా ఎన్‌బీకే కోసం స్టోరీ రెడీ చేసి బాలయ్య ఛాన్స్ ఇస్తే నరేట్ చేసేందుకు సిద్ధపడ్డాడట. మరోవైపు పరుశురాం కూడా లైనులో ఉన్నట్లు తెలుస్తోంది.