టాలీవుడ్‌లోనూ ప్రస్తుతం డ్రగ్స్ కేసు గుబులుపుట్టోంది. బాలీవుడ్‌లో మొదలైన ఈ ప్రకంపనలు మెల్లిమెల్లిగా అన్ని ఇండస్ట్రీలను కుదిపేసేలా కనిపిస్తోంది. ఇప్పటికే శాండల్ వుడ్‌లో హీరోయిన్ల అరెస్ట్ కలకలం రేపింది. రియా చక్రవర్తి నుంచి బాలీవుడ్, టాలీవుడ్ ప్రముఖుల లిస్ట్ బయటకు వచ్చినట్టు, మరోవైపు కన్నడలో సంజనా గల్రానీ నుంచి ఓ లిస్ట్ బయటకు వచ్చినట్టు తెలుస్తోంది. ఏది ఏమైనా ఇది టాలీవుడ్ పునాదులను కదిలించేలానే కనిపిస్తోంది.
ఈ మేరకు సోషల్ మీడియాలో రకుల్ మంచు లక్ష్మీ రానా నవదీప్‌ల పేర్లు చక్కర్లు కొడుతున్నాయి. కొంచెం జాగ్రత్త.. అన్న మనకి ఈ బాధలు తప్పేలా లేవు అంటూ నవదీప్‌కి సెటైర్ వేశాడు ఓ నెటిజన్. ఇక ఈ ట్వీట్‌కు నవదీప్ అదిరిపోయే ఆన్సర్ ఇచ్చాడు. నాకు ఏమీ బాధలేదు బ్రదర్.. నువ్ కూడా ఏ బాధ పడకు.. పద పనికొచ్చే పనులు చేసుకుందాం అని కౌంటర్ వేశాడు. దీంతో నవదీప్ గుండెల్లో గుబులు ఏమీ లేదు.. తన పని తానేదో చేసుకుంటూ పోతున్నాడని చెప్పకనే చెప్పాడు.
