Nagachaitanya -Sobhita: సినీ నటుడు నాగచైతన్య త్వరలోనే పెళ్లి పీటలు ఎక్కబోతున్న సంగతి తెలిసిందే. నటి శోభితతో ప్రేమలో ఉన్న ఈయన ఈ ఎడాది ఆగస్టు నెలలో నిశ్చితార్థం జరుపుకున్నారు. ఇక వీరి వివాహం డిసెంబర్ 4వ తేదీ అన్నపూర్ణ స్టూడియోలో ఎంతో ఘనంగా సన్నిహితులు కుటుంబ సభ్యుల సమక్షంలో జరగబోతున్నట్లు వెల్లడించారు. ప్రస్తుతం వీరి పెళ్లి ఏర్పాట్లు కూడా పూర్తి అయ్యాయని తెలుస్తోంది.
ఇకపోతే డిసెంబర్ 4వ తేదీ వీరిద్దరూ పెళ్లి బంధంతో ఒకటి కానున్నారు. ఈ క్రమంలోనే వీరి ప్రీ వెడ్డింగ్ సెలబ్రేషన్స్ కూడా మొదలయ్యాయి. తాజాగా అక్కినేని నాగచైతన్య శోభిత హల్దీ వేడుకలకు సంబంధించిన ఫోటోలు సోషల్ మీడియాలో వైరల్ గా మారడంతో అభిమానులు ఈ ఫోటోలను మరింత వైరల్ చేస్తూ శుభాకాంక్షలు చెబుతున్నారు.
గత కొద్ది రోజుల క్రితం శోభిత పసుపు దంచే కార్యక్రమానికి సంబంధించిన ఫోటోలను సోషల్ మీడియా వేదికగా షేర్ చేశారు. అయితే తాజాగా నాగచైతన్య శోభిత ప్రీ వెడ్డింగ్ సెలబ్రేషన్స్ లో భాగంగా హల్దీ వేడుకను నిర్వహించారని తెలుస్తోంది. ఓకే చోటే నాగచైతన్య శోభిత ఈ వేడుకను జరుపుకోవడమే కాకుండా మంగళ స్నానాలు కూడా చేయించారు అనంతరం శోభితతో కొన్ని పూజలు కూడా చేయించారని తెలుస్తోంది.
ప్రస్తుతం ఈ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక వీరి వివాహం బ్రాహ్మణ కుటుంబ సాంప్రదాయ ప్రకారం జరగబోతున్నట్లు ఇదివరకే ఓ సందర్భంలో నాగార్జున వెల్లడించిన సంగతి తెలిసిందే. శోభిత కుటుంబం కేవలం తమ వివాహాన్ని సాంప్రదాయం ప్రకారం చేయించాలని మాత్రమే కోరారని అంతకుమించి ఎలాంటి కోరికలు కోరలేదు అంటూ నాగార్జున ఒక ఇంటర్వ్యూ సందర్భంగా వెల్లడించారు. నాగచైతన్య సమంతకు విడాకులు ఇచ్చిన తర్వాత తిరిగి శోభితను ప్రేమించి పెళ్లి చేసుకోబోతున్న నేపథ్యంలో వీరి పెళ్లికి సంబంధించి ఏ చిన్న విషయం బయటపడిన సోషల్ మీడియాలో వైరల్ అవుతున్న సంగతి తెలిసిందే.