మెగాస్టార్ చిరంజీవి నటిస్తున్న బిగ్ బడ్జెట్ మూవీ ఆచార్య. మెగా పవర్ స్టార్ రామ్ చరణ్ కూడా ఈ సినిమాలో ఒక ముఖ్య పాత్రలో నటిస్తున్న విషయం తెలిసిందే. అయితే ఈ సినిమాకు సంబంధించిన ఎదో ఒక రూమర్ ఈ మధ్య కాలంలో బాగా వైరల్ అవుతున్నాయి. ముఖ్యంగా సినిమాకు సంబంధించిన రిలీజ్ డేట్ పై రెండు విభిన్నమైన రూమర్స్ వచ్చాయి.
అసలు మ్యాటర్ లోకి వస్తే సినిమా రావడానికి ఎలాగూ ఇంకా నాలుగైదు నెలలు పడుతుంది. అయితే ముందు టీజర్ ను రిలీజ్ చేయాలని అభిమానుల నుంచి డిమాండ్ పెరుగుతోంది. అసలైతే సంక్రాంతికే ఎదో ఒక సర్ ప్రైజ్ ఇవ్వాలని అనుకున్నారట. కానీ అప్పుడు కుదరలేదు. ఇక మొత్తానికి ఇటీవల మెగాస్టార్ దర్శకుడు చర్చించి టీజర్ డేట్ ను ఫైనల్ చేసినట్లు రూమర్స్ వస్తున్నాయి.
జనవరి 26న ఏదైనా ఒక సర్ ప్రైజ్ ఇస్తే బావుంటుందని ముందు నుంచి మెగాస్టార్ చర్చలు జరువుతున్నారట. ఇక ఫస్ట్ టీజర్ ను గణతంత్ర దినోత్సవ సందర్భంగా రిలీజ్ చేయడం కరెక్ట్ అని ఫిక్స్ అయినట్లు సమాచారం. మరి ఇది ఎంతవరకు నిజమో తెలియాలి అంటే మరికొన్ని రోజులు వేయిట్ చేయాల్సిందే. ఇక సినిమాను ఏప్రిల్ ఏండింగ్ లో లేదా మే 9న విడుదల చేయాలని ప్లాన్ చేసుకుంటున్నట్లు టాక్.