గత ఏడాది టాలీవుడ్ సినిమా నుంచి వచ్చిన పలు బెస్ట్ వర్క్ చిత్రాల్లో మంచి థ్రిల్లింగ్ హిట్ సినిమా “మసూద” కూడా ఒకటి. ఒక్క తెలుగులోనే కాకుండా ఇండియన్ సినిమా దగ్గర కూడా ఇంట్రెస్టింగ్ హారర్ థ్రిల్లర్ గా నిలిచిన ఈ సినిమా కోసం మాట్లాడని వారు లేరు. మరి చాలా చిన్న సినిమాగా రిలీజ్ అయ్యి భారీ లాభాలు అందించిన ఈ సినిమా కొన్ని రోజులు కితమే టెలివిజన్ తెరపై ఫస్ట్ టైం టెలికాస్ట్ కి వచ్చింది.
కాగా జెమినీ ఛానెల్ వారు ఈ సినిమాని సొంతం చేసుకోగా అందులో ఈ సినిమా మొదటి టీఆర్పీ రేటింగ్ లోనే 5 పాయింట్స్ కి పైగా వచ్చింది. ఇది ఈ మధ్య కాలంలో వచ్చిన కొందరు స్టార్ హీరోల సినిమాలు భారీ చిత్రాల కంటే చాలా ఎక్కువ కావడం విశేషం.
దీనితో ఈ సాలిడ్ స్పైన్ చిల్లింగ్ థ్రిల్లర్ చిత్రం మొదటి టెలికాస్ట్ లోనే బాగా భయపెట్టింది అని చెప్పొచ్చు. కాగా ఈ సినిమాలో యువ టాలెంటెడ్ నటుడు తిరువీర్ హీరోగా నటించగా కావ్య కే కళ్యాణ్ రామ్ హీరోయిన్ గా నటించింది. అలాగే సంగీతం ఓ కీలక పాత్రలో నటించగా సాయి కిరణ్ దర్శకత్వం వహించాడు.
అలాగే ప్రశాంత్ ఆర్ విహారి ఇచ్చిన సంగీతం మరింత బాగా సినిమాని ఎలివేట్ చేసింది. అంతే కాకుండా ప్రముఖ నిర్మాత దిల్ రాజు రిలీజ్ చేసిన ఈ చిత్రం బాక్సాఫీస్ దగ్గర భారీ వసూళ్లతో లాభాలను గడించింది.