రానున్న రోజుల్లో టాలీవుడ్ లో నెవర్ బిఫోర్ అనేలా బిగ్ కాంబినేషన్స్ సెట్స్ పైకి రాబోతున్నాయి. ముఖ్యంగా రాజమౌళి, మహేష్ బాబు కాంబోపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. ఇక సినిమా రావడానికి సమయం అయితే చాలానే ఉంది. ప్రస్తుతం దర్శకుడు RRR సినిమాను రెడీ చేస్తున్న విషయం తెలిసిందే.
ఆ పాన్ ఇండియా ప్రాజెక్ట్ అక్టోబర్ 13న ప్రేక్షకుల ముందుకు రానుంది. అయితే ఆ సినిమా అయిపోగానే నెల రోజుల గ్యాప్ లోనే మహేష్ సినిమాను లాంచ్ చేయాలని జక్కన్న ఫిక్స్ అయ్యాడు. సినిమా స్క్రిప్ట్ పనులైతే చాలా వరకు పూర్తయినట్లు సమాచారం. లాక్ డౌన్ లోనే దర్శకుడు ఓ ప్లాన్ రెడీ చేసుకున్నాడు. ఇక ఈ ఎడాది చివరలో సినిమాను సెట్స్ పైకి తేవాలని స్ట్రాంగ్ గా ఫిక్స్ అయ్యారట.
రీసెంట్ గా మహేష్ బాబు రాజమౌళి ఇదే విషయంపై ఫోన్ కాల్ ద్వారా చర్చించుకున్నట్లు సమాచారం. రాజమౌళి కోసం మహేష్ ఒక స్పెషల్ లుక్ లోకి అయితే మరాల్సి ఉందట. ఫిట్ట్ గా ఉండాలో లేక కండలు పెంచాలో తెలియదు గాని మహేష్ ను మాత్రం బిగ్ స్క్రీన్ పై నెవర్ బిఫోర్ అనేలా ప్రజెంట్ చేయాలని దర్శకుడు భారీ ప్లాన్స్ వేసినట్లు సమాచారం. మరి సినిమా ప్రేక్షకులకు ముందుకు ఎప్పుడు వస్తుందో చూడాలి.