టాలీవుడ్ సూపర్ స్టార్ మహేష్ బాబు గురించి ప్రత్యేకంగా చెప్పాల్సిన పనిలేదు.కృష్ణ వారసుడిగా చైల్డ్ ఆర్టిస్ట్ గా ఇండస్ట్రీలోకి అడుగు పెట్టిన మహేష్ బాబు ప్రస్తుతం వరుస సినిమాలు చేస్తూ టాలీవుడ్ ఇండస్ట్రీలో స్టార్ నటుడిగా కొనసాగుతున్నారు.సరిలేరు నీకెవ్వరు సినిమాతో మంచి విజయాన్ని అందుకున్న మహేష్ బాబు తాజాగా సర్కారీ వారి పాట చిత్రం ద్వారా మరోసారి ప్రేక్షకులను సందడి చేయడానికి సిద్ధమయ్యారు. ఈ క్రమంలోనే మహేష్ నటించిన ఈ సినిమా మే 12వ తేదీ విడుదలకు సిద్ధమవుతోంది. విడుదల తేదీ దగ్గర పడటంతో సినిమా ప్రమోషన్ కార్యక్రమాలను వేగవంతం చేశారు.
ఈ క్రమంలోనే ప్యారిస్ వెళ్లిన మహేష్ బాబు కూడా ఇండియా తిరిగి వచ్చి ప్రమోషన్ కార్యక్రమాల్లో బిజీ అయ్యారు. ఈ క్రమంలోనే మహేష్ బాబు తన కుటుంబంతో ప్యారిస్ లో గడిపిన అద్భుతమైన, అందమైన క్షణాలను ఎప్పటికప్పుడు నమ్రత సోషల్ మీడియా వేదికగా ఫొటోలు వీడియోలను షేర్ చేస్తూ వచ్చారు. ఇప్పటికే నమ్రత సితారకి సంబంధించిన ఫోటోలు వీడియోలు సోషల్ మీడియాలో చక్కర్లు కొడుతున్నాయి. ఈ క్రమంలోనే వీరి ఫ్యామిలీ వీడియో ప్రస్తుతం సోషల్ మీడియాలో వైరల్ గా మారింది.
ఇక ఈ వీడియో చూసిన నెటిజన్లు ఎంతోమంది ఈ వీడియో పై తమదైన శైలిలో కామెంట్లు చేస్తున్నారు. మహేష్ బాబు ఎంత వయసు వచ్చినా చిన్నపిల్లాడి మాదిరిగానే ఉన్నారంటూ చాలామంది కామెంట్ చేస్తున్నారు. ఈ వీడియోలో మహేష్ బాబు తన కొడుకు గౌతమ్ తో పోటీ పడుతూ ఎంతో స్టైలిష్ లుక్ లో కనిపిస్తున్నారు. ఈ క్రమంలోనే మహేష్ బాబు ఒక తండ్రిలా కాకుండా కుర్రాడిలా ఉన్నారంటూ పెద్దఎత్తున ఆయన అభిమానులు కామెంట్లు చేస్తున్నారు. మొత్తానికి ఈ వీడియో నెట్టింట చక్కర్లు కొడుతోంది.