సాధారణంగా సినిమా ఇండస్ట్రీలో ఉన్న హీరో, హీరోయిన్లు సినిమాలలో మాత్రమే నటిస్తూ డబ్బులు సంపాదించడం లేదు. సినిమాలు చేస్తూ సంపాదించిన డబ్బును వ్యాపార రంగంలో పెట్టి అనేక వ్యాపారాలను ప్రారంభించి మంచి ఆదాయం పొందుతున్నారు. మన టాలీవుడ్ ఇండస్ట్రీలో కూడా బడా హీరోలు కూడ నటన మాత్రమే కాకుండ వివిధ రకాల వ్యాపారాలు చేస్తూ డబ్బు సంపాదిస్తున్నారు. ఇక టాలీవుడ్ స్టార్ హీరో మహేష్ బాబు కూడా ఒక్కొక్కటిగా తన వ్యాపార సామ్రాజ్యాన్ని విస్తరిస్తున్నాడు. ఇటీవల మహేష్ బాబు వ్యాపార రంగంలో మరొక అడుగు ముందుకేసి కొత్త వ్యాపారాన్ని ప్రారంభించనున్నాడు. మహేష్ బాబు ఒకవైపు సినిమాలలో నటిస్తూనే మరొకవైపు వ్యాపార రంగంలో సక్సెస్ సాదిస్తున్నాడు.
ఇప్పటికే ఘట్టమనేని మహేశ్ బాబు ఎంటర్టైన్మెంట్ (GMB Entertainment) అను సినిమా నిర్మాణ సంస్థను ప్రారంభించి ఆ సంస్థలో నిర్మించిన మొదటి సినిమా మేజర్ తో సక్సెస్ అందుకున్నాడు. ఇక తాజాగా మహేష్ బాబు మరొక కొత్త వ్యాపారం ప్రారంభించనున్నట్లు తెలుస్తోంది. టాలివుడ్ లో స్టార్ హీరోల బాటలో మహేశ్ బాబు కూడా మరికొద్ది రోజుల్లోనే హోటల్ బిజినెస్ ప్రారంభించనున్నారు. ఇప్పటికే నాగర్జున, అల్లు అర్జున్, నవదీప్, శర్వానంద్, సందీప్ కిషన్ వంటి హీరోలు రెస్టారెంట్ బిజినెస్ లో దూసుకుపోతున్నారు. ఇక ఇప్పుడు మహేష్ బాబు కూడా హైదరాబాద్ లోని బంజారా హిల్స్ రోడ్ నెంబర్ 12లో రెస్టారెంట్ ఏర్పాటు చేయబోతున్నారు.
ఇప్పటికే హైదరాబాద్ లో మహేష్ బాబుకి పెద్ద పెద్ద షాపింగ్ మాల్స్, ఖరీదైన బిల్డింగ్స్ఉన్నాయి. ఇక ఇప్పుడు రెస్టారెంట్ బిజినెస్ లోకి మహేష్ బాబు అడుగు పెడుతున్నాడు. మహేష్ బాబు బ్యాక్ టు బ్యాక్ సినిమాలలో నటిస్తూ ప్రేక్షకులను అలరిస్తున్నప్పటికీ బిజినెస్ లపై మరింత ఆసక్తి చూపిస్తుండటం విశేషం. ఈ విషయం తెలిసిన అభిమానులు ఆనందం వ్యక్తం చేస్తూ మహేష్ బాబుకి శుభాకాంక్షలు తెలియజేస్తున్నారు. ఇక మహేష్ బాబు సినిమాల విషయానికొస్తే ఇటీవల సర్కారు వారి పాట మంచి హిట్ అందుకున్న మహేష్ బాబు ఇప్పుడు త్రివిక్రమ్ శ్రీనివాస్ సినిమాతో బిజీ కానున్నారు అనంతరం దర్శకధీరుడు రాజమౌళి దర్శకత్వంలో తెరకెక్కనున్న సినిమాలో నటించనున్నాడు.