లీక్ షాక్ : విజయ్ “వరిసు” నుంచి వీడియో సాంగ్ లీక్..?

ఇప్పుడు తమిళ నాట సినిమా వద్ద భారీ అంచనాలు అలాగే మరోపక్క మన తెలుగు సినిమా వద్ద కాంట్రవర్సీ లు రేపుతున్న చిత్రం “వరిసు”. తమిళ బిగ్ స్టార్ విజయ్ హీరోగా మన తెలుగు దర్శకుడు వంశీ పైడిపల్లి తెరకెక్కిస్తున్న ఈ చిత్రం తెలుగులో “వారసుడు” గా రిలీజ్ కానుంది.

అయితే ఇప్పుడు ఈ సినిమా షూటింగ్ లాస్ట్ స్టేజ్ కి వస్తుండగా మేకర్స్ అయితే ఈ చిత్రం షూటింగ్ ని శరవేగంగా కంప్లీట్ చేస్తున్నారు. మరి ఈ నేపథ్యంలో సినిమా నుంచి చాలా లీక్స్ బయటకి వచ్చినట్టుగా ఇప్పుడు షాకింగ్ గా మారింది.

ఆ మధ్య కూడా చాలానే బయటకి వచ్చినా ఈసారి ఏకంగా వీడియో సాంగ్ బయటకి వచ్చేసినట్టు తెలుస్తుంది. మరి ఇది అంతా ఓ మైనింగ్ సెటప్ లో కనిపిస్తుండగా చాలా బైక్స్ తో ఈ షాట్ కనిపిస్తుంది. సాంగ్ బీట్ కి తగ్గట్టుగా హీరో సహా బ్యాక్గ్రౌండ్ లో ఉన్న వారు అంతా సాంగ్ లో ముందు సాగడం కనిపిస్తుంది.

అయితే ఈ సాంగ్ ఖచ్చితంగా వరిసు సినిమా లోనిదే అని చెప్పడానికి లేదు కానీ వినడానికి కొత్తగా ఉంది కాబట్టి విజయ్ అభిమానులు కాస్త టెన్షన్ పడుతున్నారు. అలాగే సోషల్ మీడియా నుంచి కూడా ఇది తొలగించనున్నట్టుగా తెలుస్తుంది.