‘దేవర’తో పదేళ్లు వెనక్కి వెళ్తున్నారు కొరటాల శివ. అప్పట్లో ‘మిర్చి’ కు ఎంత కష్టపడ్డారో తెలియదు కానీ.. దానికి రెండింతలు ‘దేవర’పై ఫోకస్‌ చేస్తున్నారు ఈ దర్శకుడు. ఒక్క ఫ్లాప్‌తోనే కొరటాలలో ఈ రేంజ్‌ కసి ఎందుకు పెరిగింది..? ‘ఆచార్య’ ఫలితం ఈయన్ని అంతగా డిస్టర్బ్‌ చేసిందా లేదంటే ఇంకా ఏదైనా కారణాలున్నాయా..? అసలు ‘దేవర’ ఎలా వస్తుంది..? ఇవన్నీ ఎక్స్‌క్లూజివ్‌ స్టోరీలో చూసేద్దామా.. ఈ పాటలాగే దేవర కూడా అదిరిపోవాలని అహర్నిశలు కష్టపడుతున్నారు కొరటాల శివ.
ఒక్క ముక్కలో చెప్పాలంటే.. తన తొలి మిర్చి కోసం ఎంత కష్టపడ్డారో తెలియదు కానీ దానికంటే రెండింతలు ఎక్కువగా దీనికోసం ప్రాణం పెడుతున్నారీయన. ఆచార్య ఫలితం ఈయన్ని అంతగా డిస్టర్బ్‌ చేసింది.. అలాంటి డిజాస్టర్‌ తర్వాత తనను నమ్మిన తారక్‌కు బ్లాక్‌బస్టర్‌ ఇవ్వాలని ఏడాదిన్నరగా చెమటోడుస్తున్నారు కొరటాల.
కేవలం స్క్రిప్ట్‌ కోసమే ఆర్నెళ్లు వర్క్‌ చేసిన కొరటాల.. ప్రీ ప్రొడక్షన్‌ కోసం మరో ఆర్నెళ్లు తీసుకున్నారు. అన్నీ కుదిరాకే దేవర సెట్స్‌పైకి వచ్చింది. హై ఓల్టేజ్‌ యాక్షన్‌ ఎంటర్‌టైనర్‌గా వస్తున్న దేవర కోసం హాలీవుడ్‌ టెక్నీషియన్స్‌ పని చేస్తున్నారు. ప్రపంచంలోనే అత్యంత ఖరీదైన కెమెరా అయిన అలెక్స్‌ , అర్రీ సిగ్నేచర్‌ ప్రైమ్‌ లెన్స్‌ వాడుతున్నారు కొరటాల.
ఈ యాక్షన్‌ సీక్వెన్స్‌లు ఇండియన్‌ స్క్రీన్‌పై నెవర్‌ బిఫోర్‌ అన్నట్లు చిత్రీకరిస్తున్నారు. సముద్రం నేపథ్యంలో తెరకెక్కుతున్న కావడంతో విజువల్‌ ఎఫెక్ట్స్‌ భారీగానే ఉండబోతున్నాయి. పైగా ఇది రెండు భాగాలుగా రాబోతుంది. క్లైమాక్స్‌లో పార్ట్‌ 2కి సంబంధించిన లీడ్‌ ఇవ్వనున్నారు. జాన్వీకపూర్ ఈ సినిమాతోనే పరిచయమా వుతున్నారు. దేవరతో హిట్‌ కొట్టి.. ఆచార్య గాయానికి మందేయాలని చూస్తున్నారు కొరటాల.
అందుకే అన్నీ దగ్గరుండి చూసుకుంటున్నారు. తాజాగా విడుదలైన ఫస్ట్‌ లుక్‌ ఆకట్టుకుంటుంది. చుట్టూ సముద్రం, మధ్యలో పడవ, సముద్రాన్ని ఏలడానికి వచ్చే దేవరలా రాజసంగా నిలబడిన జూనియర్‌ ఎన్టీఆర్‌ అన్నీ అదిరిపోయాయి. జనవరి 8న ఈ చిత్ర టీజర్‌ విడుదల కానుంది. సైఫ్‌ అలీ ఖాన్‌ ఇందులో విలన్‌గా నటిస్తున్నారు. అనిరుధ్‌ సంగీతం దేవరకు ప్రధానాకర్షణ. ఎప్రిల్‌ 5న దేవర మొదటి భాగం విడుదల కానుంది.