KGF 2 : ప్రశాంతమైన దర్శకత్వంలో వచ్చిన కేజిఎఫ్2 ఎంతటి ఘన విజయం సాధించిందో అందరికి తెలిసిందే. కేజిఎఫ్ సీక్వెల్ గా వచ్చిన ఈ సినిమా రికార్డు ల సునామీ సృష్టిస్తోంది. ఇప్పటికే బాహుబలి రికార్డులను బద్దలు కొట్టి కొత్త రికార్డులను క్రియేట్ చేసింది. ప్రపంచం మొత్తం ఇప్పుడు రాఖీ బాయ్ హవానే నడుస్తోంది. తాజాగా వచ్చిన రాజమౌళి ప్రతిష్టాత్మక చిత్రం ఆర్ఆర్ఆర్ సినిమాను మించి వసూళ్లను రాబడుతోంది. పాన్ ఇండియా రేంజ్ లో సౌత్ సినిమాల హవా ని మరోసారి నిరూపించింది కే జి ఎఫ్ 2. అంతే కాదు బాలీవుడ్ లో అత్యంత వేగంగా 200 కోట్ల క్లబ్లో చేరిన చిత్రంగా చరిత్ర సృష్టించింది.
విడుదలైన రోజు నుంచి అన్ని భాషల్లోనూ రికార్డ్ లు క్రియేట్ చేస్తూ దూసుకెళ్తోంది కే జి ఎఫ్ 2. దేశవ్యాప్తంగా వీకెండ్ లలో అధిక వసూళ్లను అందుకున్న తొలి చిత్రంగా కేజీఎఫ్ 2 రికార్డు సృష్టించింది. విడుదలైన నాలుగు రోజుల్లోనే ఐదు వందల కోట్ల పైగా రికార్డు సృష్టించిన ఘనత కూడా ఈ సినిమాకే దక్కింది.అంతేకాకుండా కామ్స్కోర్ నివేదిక ప్రకారం గ్లోబల్ బాక్సాఫీస్లో ఏప్రిల్ 15 నుంచి 17 మధ్య అత్యధిక కలెక్షన్లను సాధించిన సినిమాల్లో ‘కేజీఎఫ్’ రెండో స్థానంలో నిలిచింది.
ప్రపంచవ్యాప్తంగా కేజీఎఫ్ 2 కలెక్షన్లు ఇలా ఉన్నాయి…తొలి రోజు(రూ.165.37కోట్లు), రెండో రోజు(రూ.139.25), మూడో రోజు(రూ.115.08), ఇక నాలుగో రోజు(రూ.132.13) వచ్చినట్లు ట్రేడ్ వర్గాలు పేర్కొన్నాయి. ప్రపంచ వ్యాప్తంగా కాకుండా బాలీవుడ్ లో కూడా కొత్త రికార్డులు క్రియేట్ చేస్తోంది కేజిఎఫ్ 2 సినిమా.అత్యంత వేగంగా రూ.200కోట్ల క్లబ్లో అడుగుపెట్టనున్న తొలి చిత్రంగా ఘనత అందుకోనుంది. అయితే నాలుగు రోజులు పూర్తయ్యేసరికి రూ.193.99కోట్లను కలెక్ట్ చేసింది. ఇదిలావుండగా తొలి రొజు(రూ.53.95), రెండో రోజు(రూ.46.79), మూడో రోజు(రూ.42.90), నాలుగో రోజు(రూ.50.35) వసూళ్లను సాధించింది.ఇకపోతే ఐదో రోజురూ.200కోట్లు దాటడం పక్కా అనే చెప్పాలి. ఇకపోతే కేజీఎఫ్ దూకి కొనసాగింపుగా కేజీఎఫ్ సినిమా కూడా వస్తుంది అని వార్తలు వినిపిస్తున్నాయి. మరి ఇది ఎంత రికార్డులు సృష్టిస్తుందో చూడాలి.