మార్చి 20 లోపు సినిమా సెట్స్ మీదకు వెళ్ళిపోతుందంటూ ‘ఎన్టీయార్ 30’ గురించి యంగ్ టైగర్ ఎన్టీయార్ ఓ ‘అప్డేట్’ ఇచ్చేశాడు. కాదు కాదు, ఇచ్చెయ్యాల్సి వచ్చింది. కొరటాల శివ దర్శకత్వంలో తెరకెక్కాల్సిన ఈ సినిమా అనివార్య కారణాల వల్ల ఆలస్యమవుతూ వస్తున్న సంగతి తెలిసిందే.
ఈ నెలాఖరున లాంఛనంగా ఓ ప్రారంభోత్సవం చేస్తారట. ఆ తర్వాత.. కేవలం ఇరవై రోజుల్లోపే సినిమా సెట్స్ మీదకు వెళ్ళనుందట. హైద్రాబాద్‌తోపాటు పొరుగు రాష్ట్రాల్లోనూ సినిమా షూట్ చేస్తారని తెలుస్తోంది.
ఇంతకీ, కథ సంగతేంటి.? అదైతే ప్రస్తుతానికి సస్పెన్స్. కథ విషయమై వంటకం ఇంకా పూర్తి కాలేదు. కొరటాల శివ మార్క్ యాక్షన్ బ్లాక్స్ కొన్ని డిజైన్ చేసి పెట్టుకున్నారట. అందులో ఒకటి షూట్ చేస్తారంటున్నారు. ఫైనల్ టచప్స్ కథకి చేస్తున్నారంటూ ఓ వైపు లీకులు అందుతున్నా, ఈ విషయమై గందరగోళం మాత్రం కొనసాగుతూనే వుంది.
ఆ ఫ్రష్ట్రేషన్ యంగ్ టైగర్ ఎన్టీయార్‌లో ‘అమిగోస్’ వేదికపై స్పష్టంగా కనిపించింది. యాంకర్ సుమ గనుక నిలదీసి వుండకపోతే, ఆ అప్డేట్ కూడా వచ్చి వుండేది కాదేమో.!