Puspha Movie: క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ రష్మిక హీరోహీరోయిన్లుగా పాన్ ఇండియా స్థాయిలో తెరకెక్కిన చిత్రం పుష్ప.ఈ సినిమా గత ఏడాది డిసెంబర్ నెలలో విడుదల అయ్యి దక్షిణాది రాష్ట్రాల్లోనే కాకుండా ఉత్తరాది రాష్ట్రాలలో కూడా ఎంతో మంచి గుర్తింపు సంపాదించుకుంది. ఇక ఉత్తరాది రాష్ట్రాలలో ఉన్న ప్రతి ఒక్క ప్రేక్షకుడిని పుష్ప ఫీవర్ పట్టుకుందని చెప్పాలి.ఈ సినిమాలోని డైలాగులకు, పాటలకు ఎంతోమంది రీల్స్ చేస్తూ ఆ వీడియోలను సోషల్ మీడియాలో షేర్ చేశారు. ఇలా అభిమానులను ఎంతగానో ఆకట్టుకున్న ఈ సినిమాకి సీక్వెల్ ఉండబోతోందని చిత్రబృందం ప్రకటించారు.
ఇక తదుపరి పార్ట్ లో భాగంగా పుష్పరాజ్‌గా బన్నీ ఎర్రచందనం స్మగ్లింగ్‌ సామ్రాజ్యాన్ని ఏలబోతున్నారనేది తెలుస్తుంది. సినిమాలో ఉన్న డైలాగ్‌ని బట్టే `ఇడ ఏలడానికి వచ్చాను`అనే డైలాగ్ వింటే తదుపరి భాగంలో బన్నీ పాత్ర ఎలా ఉండబోతుందో అర్థమవుతుంది. అయితే మొదట్లో సుకుమార్ ఈ సినిమాని కేవలం ఒక పార్ట్ మాత్రమే తీయాలని భావించారు. కానీ డైరెక్టర్ రాజమౌళి సలహా సూచనల మేరకు ఈ సినిమాని రెండు భాగాలుగా చిత్రీకరిస్తున్నారు.
పుష్ప మొదటి భాగం ఎవరూ ఊహించని విధంగా మంచి గుర్తింపును సంపాదించుకుంది. ఈ క్రమంలోనే రెండవ పార్ట్ పై భారీ స్థాయిలో అంచనాలు పెరిగిపోయాయి. ఈ క్రమంలోనే ప్రేక్షకుల అంచనాలకు అనుగుణంగా రీచ్ కావాలంటే ఎంతో కష్టంతో కూడుకున్న విషయం కనుక ఈ సినిమా స్టోరీ మొదటి పార్ట్ కు మించి ఉంటేనే ప్రేక్షకులు స్వాగతిస్తారని అందుకోసం చాలా కష్టపడాలని తెలుస్తోంది. ఇక ప్రేక్షకుల అంచనాలను చేరుకోవడం కోసం సుకుమార్ తన దృష్టిని మొత్తం స్క్రిప్ట్ పై పెట్టి స్క్రిప్టులో పలు మార్పులు చేస్తున్నట్లు తెలుస్తోంది. ఇలా స్క్రిప్టు పనులతో సుకుమార్ బిజీగా ఉండటంవల్ల ఈ సినిమా షూటింగ్ మరి కాస్త ఆలస్యం అవుతుంది.