సుకుమార్ రెమ్యూనరేషన్ ఇప్పుడు ఇండస్ట్రీ వర్గాలతో పాటు నెటిజన్స్ లోనూ హాట్ టాపిక్ గా మారింది. సుకూమార్ కి టాలీవుడ్ ఇండస్ట్రీలో మొదటి సినిమా ఆర్య తోటే ఒక క్రేజ్ వచ్చేసింది. ఆ క్రేజ్ సినిమా సినిమాకి పెరిగిపోయింది. సుకుమార్ సినిమా అంటే ఖచ్చితంగా కొన్ని లెక్కలుంటాయన్న మైండ్ సెట్ కి అందరూ వచ్చేశారు. ఫ్లాప్ సినిమా అన్న మహేష్ బాబు 1 నేనొక్కడినే కూడా స్క్రీన్ ప్లే పరంగా విమర్శకుల ప్రశంసలు అందుకుంది. ఇక ఫస్ట్ టైం కల్ట్ కంటెంట్ తో తీసిన రంగస్థలం సినిమా సుకుమార్ కెరీర్ లో ది బెస్ట్ సినిమా గా నిలిచిపోయింది.
అందుకే రంగస్థలం సినిమా తర్వాత అందరు హీరోలు సుకుమార్ ని అలాంటి కథే అడుగుతున్నారు. ఈ క్రమంలోనే సుకుమార్ తో అల్లు అర్జున్ పుష్ప అన్న సినిమా చేస్తున్నాడు. అల్లు అర్జున్ ని స్టైలిష్ స్టార్ గా మార్చిన సుకుమార్ ఇప్పుడు మరొక ఇమేజ్ తేవడానికి ట్రై చేస్తున్నాడు. అలు అర్జున్ కెరీర్ లోనే కనిపించని విధంగా కొత్త మేకోవర్ తో తీసుకు వస్తున్నాడు. పుష్ప సినిమా పాన్ ఇండియన్ రేంజ్ లో తెరకెక్కిస్తున్నాడు. రష్మిక మందన్న హీరోయిన్ గా నటిస్తుంది. మైత్రీ మూవీ మేకర్స్ – ముత్యం శెట్టి మీడియా భారీ బడ్జెట్ తో నిర్మిస్తున్నారు.
ఇదంతా బాగానే ఉంది. కాని ఫస్ట్ టైం సుకుమార్ తీసుకునే రెమ్యూనరేషన్ ఇండస్ట్రీలో హాట్ టాపిక్ గా మారింది. సినిమా బడ్జెట్ దాదాపు 180 కోట్లు అంటుండగా సుకుమార్ రెమ్యూనరేషన్ 23 నుంచి 25 కోట్లు తీసుకుంటున్నట్టు చెప్పుకుంటున్నారు. అయితే ఇది ఎక్కువ అన్న మాట వినిపిస్తోది. సుకుమార్ తనకున్న క్రేజ్ ని బట్టి గట్టిగానే రెమ్యూనరేషన్ అందుకుంటున్నాడని అంటున్నారు. ఇక లాభాలల్లో వాటా కూడా ఉంటుందని అది కూడా కలిపితే చాలానే రెమ్యూనరేషన్ సుకుమార్ కి అందుతుందని ఇండస్ట్రీలో చెప్పుకుంటున్నారు. మరి ఇది ఎంతవరకు నిజమన్నది తెలియదు గాని సుకుమార్ రేంజ్ పెరిగిందని మాత్రం చెప్పుకుంటున్నారు.