ఇస్మార్ట్ శంకర్ సినిమా తర్వాత టాలీవుడ్ లో వరసగా అవకాశాలు అందుకుంటోంది నభా నటేష్. అదుగో, నన్ను దోచుకుందువటే సినిమాలతో రాని క్రేజ్ అమాంతం ఇస్మార్ట్ శంకర్ తో వచ్చేసి అందరి చూపు నభా మీద పడింది. దాంతో రవితేజ తో డిస్కోరాజా సినిమా చేసింది. అలాగే మెగా మేనల్లుడు సాయి ధరం తేజ్ తో నటించిన సోలో బ్రతుకే సో బెటర్ అన్న సినిమా రిలీజ్ కి రెడీగా ఉంది. కాగా యంగ్ హీరో నితిన్ తో అంధాదున్ రీ మేక్ లో నభా నటిస్తోంది. ఈ సినిమాలో గ్లామరస్ క్యారెక్టర్ చేయబోతుందని అంటున్నారు.
ఇక టాలెంటెడ్ హీరోయిన్ నేచురల్ బ్యూటీ సాయి పల్లవి చేతిలో కూడా వరసగా మంచి ప్రాజెక్ట్స్ ఉన్నాయి. ఇప్పటికే నాగ చైతన్య తో లవ్ స్టోరీ సినిమా కంప్లీట్ చేసింది. శేఖర్ కమ్ముల ఈ సినిమాని తెరకెక్కించాడు. సంక్రాంతికి ఈ సినిమా రిలీజ్ చేయాలని భావిస్తున్నారు. అలాగే రానా దగ్గుబాటి నటిస్తున్న విరాట పర్వం సినిమాలో సాయి పల్లవి నక్సలైట్ గా కనిపించబోతుంది. ఇప్పటికే ఈ సినిమా నుంచి రిలీజైన సాయి పల్లవి లుక్ ప్రేక్షకులను విపరీతంగా ఆకట్టుకుంది.
ఇక నేచురల్ స్టార్ నాని నటించబోతున్న శ్యామ్ సింగ్ రాయ్ లో కూడా సాయి పల్లవి ఒక హీరోయిన్ గా నటించబోతుంది. ఈ సినిమాకి రాహుల్ సంకృత్యన్ దర్శకత్వం వహిస్తున్నాడు. డిసెంబర్ నుంచి ఈ సినిమా ప్రారంభం కాబోతుంది. ఇలా అటు నభా నటేష్.. ఇటు సాయి పల్లవి వరస ప్రాజెక్ట్స్ తో బిజీగా ఉన్నారు. కాగా ఇప్పుడు ఈ ఇద్దరు కలిసి స్క్రీన్ షేర్ చేసుకోబోతున్నారని సమాచారం.
లాక్ డౌన్ మొదలైనప్పటి నుంచి ఓటీటీ ప్లాట్ ఫామ్స్ కి జనాలు బాగా అలవాటు పడ్డారు. నెమ్మదిగా ఏ హీరో సినిమా ఓటీటీలో రిలీజ్ అవుతుందా అని చూస్తున్నారు. దాంతో మేకర్స్ డిఫ్రెంట్ కాంబినేషన్ లో వెబ్ సిరీస్ ని రూపొందించడానికి ప్లాన్ చేస్తున్నారు. ఈ క్రమంలో తెలుగు – తమిళంలో ఒక వెబ్ సిరీస్ ను నిర్మించడానికి సన్నాహాలు జరుగుతున్నాయట. ఇందులో సాయి పల్లవి, బ్యూటీ నభా నటేష్ కలిసి నటించబోతున్నారట. రివేంజ్ బ్యాక్ డ్రాప్ లో ఈ వెబ్ సిరీస్ తెరకెక్కనుందని సమాచారం.