ప్యాన్ ఇండియా మార్కెట్ లో సొంతంగా క్రేజ్ అండ్ మార్కెట్ ని తెచ్చుకున్న టాలీవుడ్ హీరోస్ లో అల్లు అర్జున్ మొట్ట మొదటిగా ఉంటాడు. కాగా అల్లు అర్జున్ “పుష్ప” చిత్రంతో టోటల్ ఇండియన్ సినిమాని షేక్ చెయ్యగా పుష్ప 2 కోసం ఇప్పుడు అంతా ఆసక్తిగా ఎదురు చూస్తున్నారు.
ఇక ఈ చిత్రంని దర్శకుడు సుకుమార్ మరింత పక్కా ప్లానింగ్ ప్రకారం తెరకెక్కిస్తుండగా ఈ సారి సినిమాని మాత్రం మరింత గ్రాండ్ లెవెల్లో ప్లాన్ చేస్తున్నారు. కాగా ఈ చిత్రం మొదటి భాగం లోనే చైనా, జపాన్ లాంటి దేశాల ప్రస్తావన ఉంది అలాగే పుష్ప క్లైమాక్స్ లో కూడా ఆ దేశానికీ చెందిన వారు పుష్ప పెళ్ళిలో కనిపిస్తారు.
ఇప్పుడు ఇదే కోణంలో పుష్ప 2 ని జపాన్ లో తెరకెక్కించడానికి ఇప్పుడు సన్నాహాలు చేస్తున్నారు. ప్రస్తుతం ఇండియాలో చేస్తున్న షూటింగ్ కంప్లీట్ అయ్యాక జపాన్ కి చిత్ర యూనిట్ వెళుతున్నారని అక్కడ పలు కీలక సన్నివేశాలు చేయడానికి వెళ్తున్నారని దీనితో పుష్ప 2 అనేది పక్కా ఇంటర్నేషనల్ లెవెల్లో ఉంటుంది ఇపుడు ఇండస్ట్రీ వర్గాల్లో వార్తలు వినిపిస్తున్నాయి.
మరి సుకుమార్ అయితే ఈ భారీ చిత్రాన్ని ఎలా ప్రెజెంట్ చేస్తాడో చూడాలి. ఇంకా ఈ చిత్రంలో రష్మికా మందన్నా హీరోయిన్ గా నటిస్తుండగా ఫహద్ ఫాజిల్ తదితరులు నటిస్తున్నారు అలాగే దేవి శ్రీ ప్రసాద్ సంగీతం అందిస్తున్నాడు.