దర్శకుడు పూరి జగన్నాధ్ తన కొడుకు ఆకాష్ ని హీరోగా నిలబెట్టే ప్రయత్నం చేస్తున్న సంగతి తెలిసిందే. చైల్డ్ ఆర్టిస్ట్ గా ఆకట్టుకున్న ఆకాష్.. పూరి జగన్నాధ్ దర్శకత్వంలో వచ్చిన మెహబూబా సినిమాతో హీరోగా మారాడు. అయితే ఈ సినిమా ఆశించినంతగా సక్సస్ కాలేదు. కాని ఆకాష్ కి మాత్రం హీరో మెటీరియల్ అని.. ఖచ్చితంగా మాస్ హీరోగా టాలీవుడ్ లో క్రేజ్ తెచ్చుకోవడం ఖాయమన్న ప్రశంసలు దక్కించుకున్నాడు.
ఈ క్రమంలో ఆకాష్ పూరి హీరోగా రెండవ సినిమా ‘రొమాంటిక్’ తయారవుతోంది. ఇప్పటికే ఈ సినిమా షూటింగ్ మొత్తం పూర్తి అయింది. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. కాగా ఈ సినిమాలో ఆకాష్ కి జంటగా కేతికా శర్మ పరిచయం అవుతుండగా పూరి దగ్గర అసోసియేట్ గా చేసిన అనిల్ పాదూరి ఈ సినిమాని తెరకెక్కించాడు.
ఇక ఈ సినిమా మాఫియా నేపథ్యంలో ఓ ప్రేమ కథగా రూపొందుతుండగా పూరి.. కథ, మాటలు అందించడం విశేషం. ఈ సినిమాలో సీనియర్ నటి రమ్యకృష్ణ ఓ కీలక పాత్రలో నటిస్తోన్న సంగతి తెలిసిందే. పూరి జగన్నాథ్ టూరింగ్ టాకీస్‌, పూరి కనెక్ట్స్ ప‌తాకాల పై పూరి జగన్నాథ్, ఛార్మి సంయుక్తంగా నిర్మిస్తున్నారు. ఇప్పటికే ఈ సినిమా మీద మంచి అంచనాలు నెలకొన్నాయి. అయితే తాజాగా ఈ సినిమా విషయంలో ఒక న్యూస్ సోషల్ మీడియాలో స్ప్రెడ్ అవుతోంది.
పూరి ఈ సినిమాని ఓటీటీలో రిలీజ్ చేయాలని చూస్తున్నారు. అమెజాన్ ప్రైమ్ భారీ మొత్తంలో ఆఫర్ ఇచ్చినట్టు సమాచారం. మరి పూరి ఆ డీల్ కి ఒప్పుకుంటాడా లేదా అన్నది ఇంకా క్లారిటీ రావాల్సి ఉండగా ఫ్యాన్స్ మాత్రం ఈ సినిమాని ఓటీటీలో చూసేందుకు ఆసక్తిగా లేరని తెలుస్తుంది. పూరి కూడా ఇలా ఓటీటీ వైపు చూస్తే ఎలా అని చెప్పుకుంటున్నారట. ఇక ఈ మధ్య ఓటీటీలో రిలీజైన సినిమాలు యావరేజ్ టాక్ దగ్గరే ఆగిపోతున్న సంగతి తెలిసిందే.