కేరళ బ్యూటీ అనుపమ పరమేశ్వరన్ గురించి ప్రత్యేకంగా చెప్పాల్సిన పనిలేదు. ఈమె తెలుగులో పలు సినిమాలలో నటించి విశేషమైన ఆదరణ దక్కించుకున్నారు. అయితే తెలుగులో ఈమె నటించిన సినిమాలు బాక్సాఫీస్ వద్ద పెద్దగా సందడి చేయలేకపోవడం వల్ల ఈ మధ్యకాలంలో ఈమెకు అవకాశాలు తగ్గిపోయాయి. ఇప్పుడిప్పుడే వరుస సినిమాలతో ఎంతో బిజీ అవుతున్న అనుపమ నిత్యం సోషల్ మీడియాలో యాక్టివ్ గా ఉంటారు.ఈ క్రమంలోనే సోషల్ మీడియా వేదికగా అభిమానులు అడిగిన ప్రశ్నలకు సమాధానాలు చెబుతుంటారు.
తాజాగా అభిమానులతో కలిసి క్వశ్చన్ అండ్ ఆన్సర్ సెషన్ ప్రారంభించిన అనుపమను నెటిజన్లు ఎన్నో ప్రశ్నలు అడిగారు.ఈ క్రమంలోనే ఆ ప్రశ్నలన్నింటికీ అనుపమ ఎంతో చక్కగా సమాధానం తెలియజేశారు. ఈ క్రమంలోనే పలువురు నెటిజన్లు మీకు ఏ భాష ఇష్టం? మీరు ఏ భాష మాట్లాడటానికి ఇష్టపడతారు? మీ తదుపరి సినిమాలు ఏమిటి అంటూ ప్రశ్నలు అడిగారు. తను మాతృభాష మలయాళం అయినప్పటికీ తనకు కళ్లతో మాట్లాడటం అంటే చాలా ఇష్టం అని తెలిపారు. ఆ భాష తనకు బాగా తెలుసని ఈమె సమాధానం చెప్పారు.
ఇక ప్రస్తుతం తాను రౌడీ బాయ్స్, 18 పేజెస్, కార్తికేయ 2, తల్లి పొగతే వంటి సినిమాలో నటిస్తున్నట్లు తెలిపారు.అలాగే మరొక నెటిజన్ మీకు తొలిసారి ఆడిషన్ కి వెళ్ళినప్పుడు ఎలాంటి అనుభూతి కలిగింది అనే ప్రశ్న అడిగారు. ఈ ప్రశ్నకు అనుపమ సమాధానం చెబుతూ ఆ తొలి అనుభవం గురించి ఇప్పుడు తలచుకున్నా ఎంతో నెర్వస్ గా ఉంటుందని ఈమె తన తొలి అనుభవం గురించి ఈ సందర్భంగా తెలియజేశారు.