Hyper Aadi: జబర్దస్త్ కార్యక్రమం ద్వారా కమెడియన్ గా ఎంతో మంచి సక్సెస్ అందుకున్న వారిలో హైపర్ ఆది ఒకరు. ఈయన తన స్వశక్తితో జబర్దస్త్ కార్యక్రమంలోకి అడుగుపెట్టి స్క్రిప్ట్ రైటర్ గా అలాగే కమెడియన్గా మంచి సక్సెస్ అందుకొని ప్రస్తుతం సినిమాలలో కూడా అవకాశాలను అందుకుంటూ ఎంతో బిజీగా ఉన్నారు. ఇలా వరుస సినిమాల ద్వారా ప్రేక్షకుల ముందుకు వస్తున్న ఆది తాజాగా మరో జబర్దస్త్ కమెడియన్ రాకింగ్ రాకేష్ నిర్మాణంలో ఆయన హీరోగా నటించిన కేశవ చంద్ర రామావత్ అనే సినిమా ద్వారా ప్రేక్షకుల ముందుకు రాబోతున్నారు.
ఈ సినిమా ఈనెల 22వ తేదీ విడుదల కాబోతున్న నేపథ్యంలో ఇటీవల ప్రీ రిలీజ్ వేడుకను నిర్వహించారు. ఈ కార్యక్రమానికి ముఖ్య అతిథిగా హరీష్ రావు, మాజీ మంత్రి జబర్దస్త్ రోజా, హైపర్ ఆది ఇతర జబర్దస్త్ సెలెబ్రిటీలు కూడా హాజరై సందడి చేశారు. ఇక ఈ కార్యక్రమంలో భాగంగా హైపర్ ఆది మాట్లాడుతూ రోజా గురించి ఆసక్తికరమైన వ్యాఖ్యలు చేశారు. ఇటీవల రాజకీయాల పరంగా పవన్ కళ్యాణ్ కు మద్దతు తెలుపుతూ వైకాపా పార్టీపై ఎప్పటికప్పుడు సెటైర్లు వేస్తూ ఆది వార్తలలో నిలిచారు.
ఇక ఈ సినిమా వేడుక ద్వారా ఈయన రోజా గారు ఓకే వేదికపై కలవడంతో రోజా గురించి ఆది చేసిన వ్యాఖ్యలు వైరల్ అవుతున్నాయి. చాలా రోజుల తర్వాత రోజా గారిని ఇలా వేదికపై కలవడం చాలా సంతోషంగా ఉందని తెలిపారు. బేసిక్ గా కొన్ని యూట్యూబ్ ఛానల్ వారు వారి ఛానల్ వ్యూస్ కోసం హైపర్ ఆది రోజా గారి గురించి ఏమన్నారు తెలుసా అంటూ హెడ్డింగులు పెట్టేస్తూ వార్తలు రాస్తుంటారు.
నేను ఇదివరకు ఎప్పుడు కూడా రోజా గారి గురించి ఎక్కడ ఒక్క మాట కూడా మాట్లాడలేదు ఇక ఆమె గురించి ఎక్కడ చెడుగా మాట్లాడను కూడా అంటూ ఆది తెలిపారు. ఇక యూట్యూబ్ ఛానల్ వారు వారి వ్యూస్ కోసం ఏదో ఒకటి రాయాలి కాబట్టి రాస్తుంటారని అది తెలిపారు. ఇక ప్రస్తుతం తెలుగు సినిమా ఇండస్ట్రీ చాలా మంచిగా ఉందని త్వరలోనే పుష్ప సినిమా రాబోతుందని ఈ సినిమా ద్వారా మరికొన్ని రికార్డులు సృష్టించబోతున్నారని తెలిపారు.తెలుగు సినిమాకు ఆస్కార్ అవార్డ్ రావడం, ప్రభాస్ బ్యాక్ టు బ్యాక్ వెయ్యి కోట్లు సినిమాలు, పవన్ కళ్యాణ్ వంద శాతం స్ట్రయిక్ రేట్ తో పొలిటికల్ గా గెలవడంతో టాలీవుడ్ ఇప్పుడు చాలా బాగా ఉందని హైపర్ ఆది చేసిన కామెంట్స్ వైరల్ అవుతున్నాయి.