సుకుమార్ దర్శకత్వంలో రష్మిక,అల్లు అర్జున్ జంటగా పాన్ ఇండియా స్థాయిలో నటిస్తున్నటువంటి చిత్రం పుష్ప. ఈ సినిమా శరవేగంగా షూటింగ్ పనులను జరుపుకుంటోంది.ఈ క్రమంలోనే ఈ సినిమా డిసెంబర్ 17వ తేదీ ప్రేక్షకుల ముందుకు రానుందని చిత్రబృందం ప్రకటించారు. ఇకపోతే ఈ సినిమాలో ఐటమ్ సాంగ్ లో నటించడం కోసం స్టార్ హీరోయిన్ సమంతను సంప్రదించగా అందుకు ఆమె గ్రీన్ సిగ్నల్ ఇచ్చినట్టు తెలుస్తోంది. అయితే ఈ సినిమాలో ఓ ప్రత్యేక పాటలో చేయాలంటే సమంత డైరెక్టర్ కి కొన్ని కండిషన్లు పెట్టింది. ఆ కండిషన్లకు దర్శకుడు ఒప్పుకుంటేనే తను నటిస్తానని వెల్లడించింది.
ఈ క్రమంలోనే డైరెక్టర్ ఆమె కండిషన్ కి ఓకే చెప్పినట్లు సమాచారం. సమంత ఎలాంటి కండిషన్స్ పెట్టింది అనే విషయానికి వస్తే… ఐటెం సాంగ్ కోసం మొత్తం అన్నపూర్ణ స్టూడియోలో కాకుండా రామోజీ ఫిలిం సిటీలో సెట్ వేయాలని చెప్పారట.అలాగే ఈ పాటకు సంబంధించిన షూటింగ్ మొత్తం అక్కడే చేసే విధంగా ఏర్పాటు చేయాలని చెప్పారట. అలాగే తాను ఈ పాటలో నటిస్తున్న సమయంలో ఈ పాటకు సంబంధించి ఎలాంటి ఫోటోలు వీడియోలు కానీ బయట పడకుండా జాగ్రత్త పడాలని సూచించారట.
ఈ పాట చిత్రీకరణ జరుగుతున్న సమయంలో అక్కినేని ఫ్యామిలీ ఎవరు కూడా ఆ దరిదాపుల్లోకి రాకుండా ఉండేలా చూడాలని చిత్ర బృందానికి చెప్పినట్లు తెలుస్తోంది.అయితే సమంత పెట్టిన ఈ కండిషన్లకు సుకుమార్ ఒప్పుకోవడంతో సమంత ఈ పాటలో నటించడానికి గ్రీన్ సిగ్నల్ ఇచ్చారు. ఇదివరకే సుకుమార్ దర్శకత్వంలో సమంత రంగస్థలం సినిమాలో నటించిన సంగతి మనకు తెలిసిందే. ఇకపోతే సమంత పుష్ప సినిమాలోని ఐటమ్ సాంగ్ కోసం ఏకంగా కోటి రూపాయలు డిమాండ్ చేయగా ఆ డబ్బులు ఇవ్వడానికి మేకర్స్ మాత్రం వెనుకడుగు వేయలేదు.