HIT The 3rd Case: ‘కేజీఎఫ్’ చిత్రంతో దేశవ్యాప్తంగా గుర్తింపు తెచ్చుకున్న ముద్దుగుమ్మ శ్రీనిధి శెట్టి, మొదటి సినిమాతోనే స్టార్ హోదా సంపాదించుకుంది. యష్ లాంటి స్టార్ హీరోతో కలిసి తెరపై మెరిసినా, ఆ తర్వాత మాత్రం ఆమె కెరీర్ ఊహించిన దిశగా సాగలేదు. తర్వాత విక్రమ్ సరసన చేసిన ‘కోబ్రా’ చిత్రం ఆశించిన స్థాయిలో పరుగు పెట్టకపోవడంతో ఆమె స్థానం మరింత అనిశ్చితిలో పడింది.
అయినా సరే, కొత్త ప్రయత్నాలకు వెనుకాడని శ్రీనిధి, ఇప్పుడు టాలీవుడ్‌లో తన రెండో ఇన్నింగ్స్‌ స్టార్ట్ చేయాలని ఉత్సాహంగా ఉంది. ప్రస్తుతం నాని హీరోగా నటిస్తున్న ‘హిట్ 3’ చిత్రంలో కీలక పాత్రలో కనిపించనుంది. ఇప్పటికే ‘హిట్’ ఫ్రాంచైజీకి మంచి పేరు ఉండటంతో ఈ సినిమాపై భారీ అంచనాలు నెలకొన్నాయి. మే 1న విడుదల కానున్న ఈ మాస్ యాక్షన్ థ్రిల్లర్‌లో శ్రీనిధికి చక్కటి పాత్ర దక్కినట్టు ట్రైలర్ ద్వారా అర్థమైంది. నానీ క్రేజ్, హిట్ ఫార్ములా కలిసి ఈ సినిమాను బాక్సాఫీస్ వద్ద పెద్ద విజయం దిశగా నడిపే అవకాశం కనిపిస్తోంది. అలాంటిది జరిగితే, శ్రీనిధికి ఇది మరో చాన్స్‌ల తలుపు తెరచే అవకాశం అవుతుంది.
ఇకపోతే, శ్రీనిధి నటిస్తున్న మరో చిత్రం ‘తెలుసు కదా’ కూడా త్వరలో రిలీజ్ కు సిద్ధమవుతోంది. ఇక అది ఎప్పుడు వస్తుందో అనే విషయంపై క్లారిటీ లేకపోయినా, పరిశ్రమలో మాత్రం ‘హిట్ 3’ ప్రాధాన్యత ఎక్కువగా ఉందని భావన ఉంది. కాబట్టి, ఈ సినిమా విజయం ఆమె కెరీర్‌కు తిరుగు లేని బూస్ట్ ఇవ్వొచ్చని ఆశిస్తున్నారు. ఒకప్పుడు స్టార్‌డమ్‌తో మొదలైన శ్రీనిధి ప్రయాణానికి ఇప్పుడు నిజంగా ఓ బిగ్ టెస్ట్ సమీపిస్తోంది. ఆమె ఈ అవకాశాన్ని ఎలా ఉపయోగించుకుంటుందో చూడాలి.
