Uday Kiran Missed : ఉదయ్ కిరణ్.. అప్పట్లో ఓ సంచలనం. తేజ పరిచయం చేసిన సినీ జాతి ఆణిముత్యం. ‘ఈ పెద్దోళ్లున్నారే..’ అంటూ తనదైన నటనతో యూత్ హీరోగా బాగా దగ్గరైపోయాడు. వరుస సినిమాలతో జెట్ స్పీడులో కెరీర్ని బిల్డప్ చేసుకున్నాడు.
ఆ టైమ్లోనే ఓ సినీ పెద్ద కూతురుతో ప్రేమ, పెళ్లి.. అంటూ ఉదయ్ కిరణ్ చాలా ఇబ్బందులు ఎదుర్కొన్నాడనీ అప్పట్లో తెగ ప్రచారం జరిగింది. అయితే, ఆ ప్రచారం ఎపిసోడ్తో ఉదయ్ కిరణ్ మరింత పాపులర్ అయిపోయాడు.
ఎంతటి వారికైనా ఒకానొక టైమ్లో ఎత్తు పల్లాలు తప్పవు కదా. ఏమైందో ఏమో తెలీదు కానీ, కొన్ని వరుస ఫెయిల్యూర్స్ ఉదయ్ కిరణ్ కెరీర్ని బాగా దెబ్బ తీశాయ్. సరైన టైమ్లో సరైన నిర్ణయాలు తీసుకోకపోవడమే, ఆయన కెరీర్ అలా దిగజారిపోవడానికి కారణం అంటుంటారు ఆయన సన్నిహితులు.
కెరీర్ డిస్ట్రబ్ కావడంతో మానసిక ఒత్తిడికి గురయ్యాడు ఉదయ్ కిరణ్. అదే సమయంలో తన వైవాహిక జీవితంలోనూ కొన్ని సమస్యలున్నాయనే ప్రచారం జరిగింది. ఆయా పరిస్థితులే ఉదయ్ కిరణ్ని ఆత్యహత్య చేసుకునేలా ప్రేరేపించాయంటారు కొందరు.
కానీ, ఉదయ్ కిరణ్ ఆత్మహత్య చేసుకునేంత పిరికివాడు కాదనీ, కెరీర్ డల్ అయ్యిందన్న ప్రచారంలో నిజం లేదనీ, అరడజనుకు పైగా సినిమాలు అప్పటికే ఉదయ్ కిరణ్ చేతిలో ఉన్నాయనీ ఆయన సన్నిహితులైన సినీ ప్రముఖులు కొందరు ఆయా సందర్భాల్లో చెప్పారు.
అంతేకాదు, ఓ పెద్ద బ్యానర్ ఉదయ్ కిరణ్తో ఓ బిగ్ మూవీని ప్లాన్ చేసిందట కూడా. కానీ, అనూహ్యంగా ఉదయ్ కిరణ్ బలవన్మరణానికి పాల్పడ్డాడు. ఒకవేళ ఆ బిగ్ ప్రాజెక్టులో ఉదయ్ కిరణ్ నటించి వుంటే, హిట్, ఫ్లాప్తో సంబంధం లేకుండా ఉదయ్ కిరణ్ స్టార్ హీరో అయ్యేవాడేమో కదా.