‘గేమ్ ఛేంజర్’ సినిమా నుంచి లీక్ అయిన ఓ పాట పెను దుమారానికి కారణమయ్యింది. తొలుత అది ఫేక్ అన్నారు. కానీ, లీక్ నిజమేనంటూ సైబర్ క్రైమ్ పోలీసులకు చిత్ర నిర్మాణ సంస్థ ఫిర్యాదు చేసింది. వెంటనే, సోషల్ మీడియా నుంచి ఆ సాంగ్ తాలూకు ఆడియో క్లిప్స్‌ని లేపేశారు.
కానీ, వాట్సాప్ సహా, వివిధ మార్గాల్లో ఆ సాంగ్ అన్ని చోట్లకీ చేరిపోయింది. నిర్మాత దిల్ రాజుకి ఇలాంటివి అనుభవమే కదా.! సీనియర్ ప్రొడ్యూసర్.! డక్కా మక్కీలు తిన్నోడు.! కాస్త లేటుగా చిత్ర యూనిట్ స్పందించడం వెనుక పెద్ద వ్యూహమే వుందన్నది ఓ వాదన.
కావాలనే లీక్ చేసి, పబ్లిసిటీ స్టంట్‌కి తెరలేపారన్నది అంతటా జరుగుతోన్న చర్చ. మరి, పోలీసులకు ఎలా చిత్ర యూనిట్ పిర్యాదు చేసినట్లు.? ఇది కాస్త ఆలోచించాల్సిందే. ఇంకో లుక్ ‘గేమ్ ఛేంజర్’ నుంచి వచ్చినా, ఇంత డిస్కషన్ వుండకపోవచ్చు.
లీకు, ఫేకు.. ఇప్పుడేమో ఫిర్యాదు.. వరుసగా రెండు మూడు రోజుల హంగామా.! వెరసి, కావాల్సినంత పబ్లిసిటీ వచ్చింది ‘గేమ్ ఛేంజర్’ సినిమాకి. కానీ, దీని వల్ల సినిమాకి ఏమైనా డ్యామేజ్ జరిగితేనో.!
తమిళ దర్శకుడు శంకర్ తెరకెక్కిస్తున్నాడు ‘గేమ్ ఛేంజర్’ సినిమాని. కైరా అద్వానీ ఈ సినిమాలో హీరోయిన్. గతంలో రామ్ చరణ్ – కైరా అద్వానీ కలిసి ‘వినయ విధేయ రామ’ సినిమాలో నటించారు. బోయపాటి ఆ చిత్రానికి దర్శకుడు. అదో పెద్ద డిజాస్టర్.