టాలీవుడ్ ఇండస్ట్రీలో నిర్మాతగా ఎంతో పేరు ప్రఖ్యాతలు సంపాదించుకున్న అల్లు అరవింద్ గీతాఆర్ట్స్ బ్యానర్స్ స్థాపించిన విషయం మనకు తెలిసిందే. అల్లు రామలింగయ్య ఇండస్ట్రీలో కొనసాగుతున్న సమయంలోనే ఈ బ్యానర్ స్థాపించి తన కుమారుడిని నిర్మాతగా ఇండస్ట్రీకి పరిచయం చేశారు. ఈ విధంగా నిర్మాతగా ఈయన ఎన్నో అద్భుతమైన సినిమాలను ప్రేక్షకుల ముందుకు తీసుకువచ్చారు.తాజాగా ఓ బుల్లితెర కార్యక్రమంలో పాల్గొన్నటువంటి అల్లు అరవింద్ తన నిర్మాణ సంస్థ గురించి ఎన్నో విషయాలను తెలియచేశారు.
భగవద్గీత సారాంశంతోనే తన సినిమాకు ఆ పేరు పెట్టానని తెలిపినటువంటి ఈయన తన బ్యానర్ లో వచ్చిన ఎన్నో సినిమాలు సిల్వర్ జూబ్లీ జరుపుకున్నాయని తెలిపారు.ఇకపోతే మీ బ్యానర్ లో ఎక్కువ సినిమాలు చేస్తున్న హీరో ఎవరు? మీకు బాగా సంతృప్తినిచ్చిన సినిమా ఏది అంటూ ఆలీ ప్రశ్నించగా అందుకు అల్లు అరవింద్ సమాధానం చెబుతూ… గీతాఆర్ట్స్ బ్యానర్ లో చిరంజీవి ఎక్కువ సినిమాలు చేశారని సమాధానం చెప్పారు.
ఇక చిరంజీవి నటించిన సినిమాలు ఎన్నో బ్లాక్ బస్టర్ హిట్ అయ్యాయని అల్లు అరవింద్ సమాధానం చెప్పారు.ఇక తన బ్యానర్ లో ఇప్పటివరకు చేసిన సినిమాలలో తనకు బాగా సంతృప్తినిచ్చిన సినిమా మగధీర అంటూ ఈయన చెప్పినటువంటి సమాధానం వైరల్ గా మారింది.మగధీర సినిమా చేసే సమయంలో కాస్త భయం అనిపించింది అనుకున్న దాని కన్నా బడ్జెట్ ఎక్కువగా ఖర్చయింది.అయితే ఈ సినిమా విడుదలైన తర్వాత పెట్టిన దానికన్నా మూడు రెట్లు అధికంగా లాభం వచ్చిందని ఈ సినిమా విడుదలైన తర్వాత ఒక బ్రహ్మాండమైన సినిమా చేశాననే సంతృప్తి నాలో కలిగిందంటూ అరవింద్ సమాధానం చెప్పారు.