పవన్ కళ్యాణ్‌ను మీడియా ముఖంగా దారుణంగా తిట్టిన శ్రీ రెడ్డి.. బర్త్ డే విషెస్ చెబుతుందని ఎవరైనా ఊహిస్తారా?. అసలు ఎప్పుడు సందు దొరుకుతుందా? ఎప్పుడు తిడదామా? అని ఎదురుచూసే శ్రీ రెడ్డి పవన్‌కు పుట్టినరోజు శుభాకాంక్షలు తెలపడంతో అందరూ ఆశ్చర్యపోతున్నారు. పవన్ కళ్యాణ్ అంటేనే అంత ఎత్తున లేచే శ్రీ రెడ్డి తాజాగా షేర్ చేసిన పోస్ట్ తెగ వైరల్ అవుతోంది. దాని సంగతేంటొ ఓ సారి చూద్దాం.
మెగా ఫ్యామిలీ, దగ్గుబాలి ఫ్యామిలీ, నాని, పవన్ కళ్యాణ్ వంటి వారిపై శ్రీ రెడ్డి చేసే కామెంట్ల గురించి ప్రత్యేకంగా చెప్పనక్కర్లేదు. వీరిపై చేసే పోస్ట్‌లు, తిట్టే తిట్లు ఒక్కోసారి రాయడానికి కూడా వీలుండదు. అంతటి పరుష పదజాలంతో విరుచుకుపడుతూ ఉంటుంది. అలాంటి శ్రీ రెడ్డి పవన్ కళ్యాణ్‌కు పుట్టినరోజు విషెస్ చెప్పింది. అది కూడా వెరైటీగా. దీంతో దెబ్బకు శ్రీ రెడ్డిపై అందరికీ సాఫ్ట్ కార్నర్ ఏర్పడింది.
ఐ హేట్ యూ బట్ హ్యాపీ బర్త్ డే పీకే అంటూ కోపం ఉన్నాగానీ పుట్టిన రోజు నాడు వాటన్నంటిని పక్కన పెట్టి మరీ విష్ చేసింది. ఇక శ్రీ రెడ్డి చేసిన ఈ పోస్ట్‌పై కొందరు ఆశ్చర్యం, ఆనందం వ్యక్తం చేస్తుంటే.. పవన్ ఫ్యాన్స్ మాత్రం ఫైర్ అవుతున్నారు. మొత్తానికి శ్రీ రెడ్డి మాత్రం అందరికీ దిమ్మతిరిగిపోయేలా ఒకే పోస్ట్ రెండు పనులను చేసేసింది. నచ్చడని చెబుతూనే విష్ చేసి మంచి మార్కులు కొట్టేసింది.