బిచ్చగాడు సినిమాతో తెలుగు ప్రేక్షకులకు చేరువైన తమిళ నటుడు హీరో విజయ్ ఆంటోనీ. ప్రస్తుతం విజయ్ ఆంటోనీ ప్రధాన పాత్రలో నటిస్తున్న మర్డర్ మిస్టరీ క్రైమ్ థ్రిల్లర్ మూవీ గగన్ మార్గన్. లియో జాన్ పాల్ దర్శకత్వం వహిస్తున్న ఈ సినిమాని విజయ్ ఆంటోనీ ఫిలిం కార్పొరేషన్ నిర్మిస్తుండగా మీరా విజయ్ ఆంటోని సమర్పిస్తున్నారు. ఈ సినిమాకి సినిమాటోగ్రఫీ యువ ఎస్ చేయగా సంగీతాన్ని స్వయంగా విజయ్ ఆంటోనీ సమకూర్చుతున్నారు. ఆర్ట్ డైరెక్టర్ గా ఏ రాజా పనిచేశారు.
ఈ సినిమా నుంచి విడుదలైన విజయ్ ఆంటోనీ ఫస్ట్ లుక్ పోస్టర్ ఇప్పటికే మంచి స్పందన అందుకుంది. ఈ సినిమాలో అజయ్ దీశన్, సముద్రఖని, మహానది శంకర్, వినోద్ సాగర్, దీక్షిత,అర్చన, కనిమొళి, నటరాజన్ తదితరులు నటించారు. అయితే ఈ సినిమా ద్వారా తన అక్క కొడుకు అయిన అజయ్ దీశన్ ని వెండితెరకి చేస్తున్నాడు విజయ్ ఆంటోనీ. సినిమాల్లోకి ఎంటర్ ఇస్తూనే మామకి ఆపోజిట్ గా చేస్తున్న అజయ్ ఎలాంటి పెర్ఫార్మన్స్ ఇస్తాడో చూడాలి.
ప్రస్తుతం ఈ సినిమా షూటింగ్ జరుగుతుంది. మర్డర్ మిస్టరీ నేపథ్యంలో ఈ సినిమా తెరకెక్కుతుంది. తాజాగా విజయ్ ఆంటోనీ మేనల్లుడు అజయ్ ని విలన్ గా పరిచయం చేస్తూ కొత్త పోస్టర్ని రిలీజ్ చేశారు మూవీ టీం. ఈ పోస్టర్ చూస్తుంటే విజయ్ ఆంటోనీ, అజయ్ మధ్య భారీ యాక్షన్ సీక్వెన్స్ ఉండేలా కనిపిస్తోంది.
ఈ చిత్రం పక్కా యాక్షన్ థ్రిల్లర్ గా తెరకెక్కిస్తున్నట్లు ఈ మధ్యనే దర్శకుడు ఒక ఇంటర్వ్యూలో చెప్పాడు. ఈ సినిమా అన్ని వర్గాల ప్రేక్షకులను ఆకట్టుకునే హృద్యమైన కుటుంబ చిత్రంగా ఉంటుందని త్వరలోనే ఈ సినిమాని థియేటర్లలోకి తీసుకువచ్చే ప్రయత్నాలు చేస్తున్నామని చెప్పుకొచ్చింది మూవీ టీం. బిచ్చగాడు 2 సినిమాతో తెలుగులో పెద్ద సక్సెస్ అందుకో లేకపోయిన విజయ్ ఆంటోనీ ఈ సినిమాతో అయినా మంచి సక్సెస్ ని అందుకోవాలని ఆశిద్దాం.