Rajamouli: ఆయన తీసే సినిమాల్లో యాక్షన్ సన్నివేశాలు ఎక్కువగా ఉన్నా… అటు ఫ్యామిలీ, ఇటు యూత్ కు సైతం నచ్చుతుంది. ఇప్పటి వరకూ జాతీయ, అంతర్జాతీయ పురస్కారాలు అందుకొని ఎవరూ ఊహించని రీతిలో ఎంతో ఎత్తుకు ఎదిగారు ఆయన. తెలుగు సినిమాను ప్రపంచానికి సరికొత్త రీతిలో పరిచయం చేసి, టాలీవుడ్ ఇండస్ట్రీకి ఎంతో ఘనత తీసుకొచ్చారు ఆ మ్యాజికల్ డైరక్టర్. ఇంతకీ ఆయన ఎవరో కాదు ఎన్నో భారీ చిత్రాలతో తెలుగోడి సత్తా చాటిన దర్శకుడు రాజమౌళి. ఆయన దర్శకత్వంలో సినిమా వస్తుందంటే చాలు అభిమానులు షూటింగ్ మొదలైన ప్రారంభం నుంచే ఎదురు చూస్తారు. అంత టాలెంట్ ఉన్న డైరెక్టర్ కాబట్టే ఈరోజు భారీ బడ్జెట్ చిత్రాలను అలవోకగా తీస్తూ, మామూలు హీరోలను కూడా విపరీతమైన ఫ్యాన్ ఫాలోయింగ్ వచ్చేందుకు కారణం అవుతున్నారు.
ఇదిలా ఉండగా రాజమౌళి తాజాగా తెరకెక్కించిన చిత్రం ఆర్ ఆర్ ఆర్. బాహుబలి స్థాయిలో భారీ అంచనాలతో రాబోతున్న ఈ సినిమా కోసం ప్రపంచమంతా ఎదురు చూస్తోంది. ఇంకో ముఖ్య విషయం ఏమిటంటే ఈ మూవీలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ లు నటించడం. మామూలుగానే వీరు వేరు వేరు సినిమాల్లో నటిస్తే వచ్చే ఫాలోయింగ్ అంతా ఇంతా కాదు. అలాంటిది వీరిద్దరూ కలిసి ఒకే సినిమాలో నటిస్తున్నారు అంటే బొమ్మ బ్లాక్ బస్టర్ అని అభిమానులు విశ్వాసం వ్యక్తం చేస్తున్నారు. ఇక మార్చి 25 న విడుదల కాబోయే ఈ సినిమా కోసం ఇప్పటికీ ప్రమోషన్స్ లో బిజీ అయిన చిత్ర యూనిట్, తాజాగా కర్ణాటకలో నిర్వహించిన ఆర్ ఆర్ ఆర్ చిత్ర ప్రీ రిలీజ్ ఈవెంట్ లో సందడి చేశారు.
ఈ నేపథ్యంలో స్టేజ్ పై హీరో శివ రాజ్ కుమార్ మాట్లాడుతూ ఉన్న సందర్భంలో అభిమానులు గట్టిగా అరవడం మొదలు పెట్టేసరికి, రాజమౌళి వెంటనే మైక్ అందుకొని, బాడీగార్డ్ లు అందరూ కిందకు వెళ్లిపోండి, పోలీసులు మాత్రమే స్టేజీ మీద ఉండండి అని చాలా సీరియస్ అవడం అందర్నీ ఆశ్చర్య పరిచింది. అటు ఇటు తిరుగుతూ స్టేజ్ ని క్లియర్ చేసిన ఆయన, ముఖ్యమంత్రికి, మంత్రికి సెక్యూరిటీగా ఉండాలని బాడీగార్డ్ లను ఆదేశించారు. దీంతో అక్కడ ఏమవుతుందో అని ఒక్క నిమిషం పాటు అందరూ ఆయనలో వచ్చిన ఉగ్రరూపాన్ని అలానే చూస్తూ కాసేపు అలా ఉండిపోయారు. రాజమౌళికి భారీ సినిమాలు తీయడమే కాదు.. కోప్పడడం కూడా వచ్చు అని ఇప్పుడే చూశామని నెటిజన్లు కామెంట్స్ చేస్తున్నారు.