డైరెక్టర్ బాబీ దర్శకత్వంలో నందమూరి బాలకృష్ణ హీరోగా నటిస్తున్న 109వ చిత్రం డాకు మహారాజ్. ఈ సినిమాకి ఊర్వశి రౌటేలా, ప్రజ్ఞా జైస్వాల్, శ్రద్ధ శ్రీనాథ్ హీరోయిన్లుగా నటించగా బాలీవుడ్ నటుడు బాబీ డియోల్ కీలక పాత్ర పోషిస్తున్నాడు. సితార ఎంటర్టైన్మెంట్ బ్యానర్ పై సూర్యదేవర నాగవంశీ నిర్మిస్తున్న ఈ సినిమాకి ఎస్ఎస్ తమన్ సంగీతం అందిస్తున్నాడు.
ఈ సినిమా వచ్చే సంవత్సరం సంక్రాంతి కానుకగా జనవరి 12వ తేదీన విడుదల చేయబోతున్న సంగతి అందరికీ తెలిసిందే. ఇప్పటికే ఈ సినిమా నుంచి వచ్చిన పోస్టర్లు, రెండు భారీ యాక్షన్ గ్లింమ్స్ సినిమాపై మంచి హైప్ ని క్రియేట్ చేశాయి. ఇకపోతే ఈ సినిమాకి సంబంధించిన క్రేజీ అప్డేట్ ఒకటి ప్రకటించింది ఆ మూవీ టీం. సినిమాకి సంబంధించిన ఒక ఈవెంట్ యూఎస్ లో జనవరి 4వ తేదీన సాయంత్రం 6 గంటలకు డల్లాస్ లోని టెక్సాస్ లో నిర్వహించబోతున్నట్లు ప్రకటిస్తూ ఒక పోస్టర్ ని విడుదల చేసింది.
ప్రస్తుతం ఆ పోస్టర్ సోషల్ మీడియాలో తెగ వైరల్ అవుతుంది. వరుస విజయాల మీద ఉన్న బాలయ్యని హీరోగా పెట్టి వాల్తేరు వీరయ్య వంటి బ్లాక్ బస్టర్ సినిమా తీసిన దర్శకుడు బాబి దర్శకత్వంలో ఈ సినిమా వస్తుండటంతో సినిమాపై మంచి అంచనాలు పెట్టుకున్నారు ప్రేక్షకులు. ఇప్పటికే ఈ కథ వెలుగును పంచే దేవుళ్ళది కాదు, చీకటిని శాసించే రాక్షసులది కాదు, ఆ రాక్షసులను ఆడించే రావణుడిది కాదు.
ఇది కథ రాజ్యం లేకుండా యుద్ధం చేసే ఒక రాజుది, గండ్ర గొడ్డలి పట్టిన యమధర్మరాజుది, మరణాన్ని వణికించిన మహారాజుది అనే డైలాగ్స్ తో ఆద్యంతం ఆసక్తిని రేకెత్తించిన టీజర్ సినిమాపై మంచి హైప్ ని క్రియేట్ చేసింది. ఈ కథ పొలిటికల్ బ్యాక్ గ్రౌండ్ నేపథ్యంలో రాబోతున్నట్లు సమాచారం. మలయాళ చిత్ర పరిశ్రమకు చెందిన అగ్ర కథానాయకుడు ఇందులో ఓ కీలక పాత్ర పోషిస్తున్నాడని సమాచారం.