బాలీవుడ్‌ లెజెండరీ నటి, డ్యాన్సర్‌ వహీదా రెహమాన్‌కు దాదా సాహెబ్‌ ఫాల్కే లైఫ్‌టైమ్‌ అచీవ్‌మెంట్‌ అవార్డు వరించింది. 2023 సంవత్సరానికి గాను ఆమెకు ఈ అవార్డు దక్కినట్లు కేంద్ర సమాచారశాఖ మంత్రి అనురాగ్‌ ఠాకూర్‌ తెలిపారు. భారతీయ చలనచిత్ర రంగానికి చేసిన కృషికి గుర్తుగా ఆమెకు ఈ అవార్డును బహూకరించనున్నట్లు మంత్రి వెల్లడిరచారు.
వహీదా రెహమాన్‌ వయసు 85 ఏళ్లు. 69వ జాతీయ ఫిల్మ్‌ అవార్డ్స్‌ కార్యక్రమంలో వహీదాకు ఫాల్కే అవార్డును అందజేయనున్నారు. దాదా సాహెబ్‌ ఫాల్కే అవార్డు కమిటీలోని అయిదుగురు సభ్యులు వహీదా రెహమాన్‌ పేరును ఏకగ్రీవంగా ఎన్నుకున్నారు.
ప్యాసా , కాగజ్‌ కే ఫూల్‌ , చౌదవి కా చాంద్‌, సాహెబ్‌ బీవీ ఔర్‌ గులామ్‌, గైడ్‌, ఖామోషి, ఢల్లీి 6 వంటి చిత్రాలతో వహీదా రెహమాన్‌ మంచి గుర్తింపు తెచ్చుకుంది. చివరిసారిగా కమల్‌ హాసన్‌ విశ్వరూపం, స్కేటర్‌ గర్ల్‌ సినిమాలో వహీదా అతిథి పాత్రలో మెరిసింది.