టెస్ట్ క్రికెట్‌కు గుడ్‌బై చెప్పిన మరుసటి రోజే విరాట్ కోహ్లీ జీవితంలో కొత్త మలుపు కనిపించింది. ఆట నుంచి విరామం తీసుకున్న విరాట్, తన జీవిత భాగస్వామి అనుష్క శర్మతో కలిసి మంగళవారం ఉత్తరప్రదేశ్‌లోని పవిత్ర బృందావనాన్ని సందర్శించాడు. ఇది ఒక యాత్ర మాత్రమే కాదు, వారి జీవితంలో ఓ కొత్త ఆధ్యాత్మిక క్షణానికి తెరతీసిన దృశ్యమైంది.
బృందావన్‌ ధామ్‌లో ప్రసిద్ధ ఆధ్యాత్మిక గురువు ప్రేమానంద్ మహారాజ్‌ను వీరిద్దరూ కలిసారు. గురుదేవుడు ఈ ప్రముఖ దంపతులకు బోధనలతో పాటు ఆశీర్వాదం కూడా ఇచ్చారు. అక్కడి భక్తులు, యాత్రికులు విరాట్-అనుష్క జంటను చూసేందుకు ఆసక్తిగా పోటెత్తారు. సాదాసీదా దుస్తుల్లో, నిస్సహాయంగా దైవాన్ని ఆశ్రయించిన ఈ దృశ్యాలు ఇప్పుడు సోషల్ మీడియాలో వైరల్‌గా మారాయి.
Virat Kohli and Anushka Sharma at Prema Nand Ji Maharaj 🙇
— RCBIANS OFFICIAL (@RcbianOfficial) May 13, 2025
ఇదే సమయంలో, విరాట్ కోహ్లీ క్రికెట్ కెరీర్‌కు సంబంధించిన గణాంకాలు మరోసారి చర్చలోకి వచ్చాయి. 123 టెస్టుల్లో 9,230 పరుగులు, 30 శతకాలు, 31 అర్ధశతకాలు… ఇవన్నీ సాధారణంగా ఒక బ్యాట్స్‌మన్‌కు కలగని గౌరవాలు. సచిన్, ద్రవిడ్, గవాస్కర్ తర్వాత భారత టెస్ట్ చరిత్రలో నాలుగో అత్యధిక పరుగుల వేటగాడు కోహ్లీ కావడం గర్వించదగ్గ విషయం.
కెరీర్ ప్రారంభంలో చిన్నపాటి పోరాటాల నుంచే ముందుకెళ్లిన విరాట్, నేడు ప్రపంచ క్రికెట్‌లో తనకంటూ ప్రత్యేక గుర్తింపు తెచ్చుకున్నాడు. ఇప్పుడు ఆట ముగిసిన తరువాత తన వ్యక్తిగత జీవితం, ఆధ్యాత్మిక మార్గం వైపు మరింత దృష్టి సారిస్తున్నాడు. కోహ్లీ దంపతుల ఈ ప్రయాణం, క్రికెట్ ఫ్యాన్స్‌కు కొత్త కోణంలో స్పూర్తినిచ్చేలా ఉంది.
