మెగాబ్ర‌దర్ నాగాబుబు ఈ రోజు 59వ వసంతంలోకి అడ‌గు పెట్టారు. ఈ సంద‌ర్భంగా ఆయ‌న‌కు అభిమానులు, కుటుంబ స‌భ్యులు, శ్రేయోభిలాషులు సామాజిక మాధ్య‌మాల ద్వారా శుభాకాంక్షలు తెలియ‌జేస్తున్నారు. మెగాస్టార్ చిరంజీవి త‌న తమ్ముళ్ళు ప‌వ‌న్‌, నాగబాబుల‌తో క‌లిసి దిగిన ఫోటోని షేర్ చేస్తూ.. విధేయుడు, భావోధ్వేగం కలిగిన వాడు, ద‌యా హృద‌యుడు, స‌ర‌దా వ్యక్తిత్వం ఉన్న నా సోద‌రుడు నాగబాబుకి పుట్టిన రోజు శుభాకాంక్షలు. మన బంధం, అనుబంధం ఎప్పటికీ ఇలాగే కొనసాగాలని, నీ ప్రతి పుట్టినరోజుకి అది మరింత బలపడాల‌ని ఆశిస్తున్నాను అంటూ చిరంజీవి పేర్కొన్నారు.
చిరు ట్వీట్‌కు స్పందించిన నాగబాబు.. థ్యాంక్స్‌ అన్నయ్య.. నేనేప్పుడు నీతోడుగానే ఉంటా’ అంటూ రిప్లై ఇచ్చాడు. ఈ ట్వీట్ ప్ర‌స్తుతం సోష‌ల్ మీడియాలో చ‌క్క‌ర్లు కొడుతుంది.క‌ట్ చేస్తే నాగబాబు 59వ బ‌ర్త్‌డే వేడుక‌ని చిరంజీవి స‌మ‌క్షంలో మెగా అభిమానులు ఘ‌నంగా నిర్వ‌హించారు. చిరంజీవి ఛారిట‌బుల్ ట్ర‌స్ట్‌లో ఈ వేడుక జ‌ర‌గ‌గా, చిరంజీవి త‌న త‌మ్ముడి చేత కేక్ క‌ట్ చేయించారు. ప్ర‌స్తుతం నాగబాబు కేక్ క‌ట్ చేసిన ఫోటోలు నెట్టింట చ‌క్క‌ర్లు కొడుతున్నాయి.
నాగబాబుకి మెగా మేన‌ల్లుడు సాయిధ‌ర‌మ్ తేజ్ కూడా శుభాకాంక్షలు తెలిపారు. చిన్న‌ప్పుడు మావ‌య్య‌తో దిగిన ఫోటోని షేర్ చేసిన తేజ్.. క్రీడలు, కళలలోకి రావడంలో న‌న్నుప్రోత్స‌హించిన వారిలో నాగబాబు ఒక‌రు. ఆయ‌న‌కు నా శుభాకాంక్షలు తెలియ‌జేస్తున్నాను అని పేర్కొన్నారు. నాగబాబు కుమారుడు, హీరో వరుణ్‌ తేజ్, సినీ నిర్మాత బండ్ల గణేష్‌ తదితరులు కూడా మెగా బ్ర‌ద‌ర్‌కు బ‌ర్త్‌డే శుభాకాంక్షలు తెలియ‌జేశారు. కాగా, నాగబాబు కొద్ది రోజుల క్రితం కరోనా జ‌యించాడు. ఆస్త‌మా ఉన్న నేప‌థ్యంలో చాలా భ‌య‌ప‌డ్డ నాగబాబు ప‌లు జాగ్ర‌త్త‌లు తీసుకుంటూ త్వ‌ర‌గా కోలుకున్నారు.