Pawan Kalyan : వకీల్ సాబ్, భీమ్లా నాయక్, సినిమాల తర్వాత పవన్ కళ్యాణ్ క్రిష్ దర్శకత్వంలో హరిహర వీరమల్లు సినిమా చేస్తున్న సంగతి తెలిసిందే. ఈ సినిమాలు ఆగస్టు వరకు షూటింగ్ జరిపి దసరాకు సినిమా విడుదల చేయాలని చిత్రబృందం ఆలోచిస్తోంది. ఈ సినిమా తర్వాత పవన్ కళ్యాణ్ చేయబోతున్న సినిమా హరీష్ శంకర్ దర్శకత్వంలో వస్తున్న భవదీయుడు భగత్ సింగ్. ఈ సినిమాలో హీరోయిన్ పూజ హెగ్డే ని కూడా ఫైనల్ చేశారు. ఈ సినిమాలో పవన్ కళ్యాణ్ ఒక లెక్చరర్ పాత్రలో కనిపించనున్నట్లు తెలిసిందే.
ఎలక్షన్ సమయం కూడా దగ్గరపడుతుండటంతో ఈ సినిమాలో డైలాగ్స్, సన్నివేశాలు పవన్ కళ్యాణ్ రాజకీయ జీవితానికి ఉపయోగపడేలా ఈ సినిమా స్క్రిప్ట్ ఉండేలా హరీష్ శంకర్ తీర్చిదిద్దినట్టు సమాచారం. ఇందులో హీరో ఒక లెక్చరర్ నుంచి రాజకీయ నాయకుడిగా ఎందుకు మారాడనేదే ఈ సినిమా కథ . ఇదిలా ఉండగా ప్రస్తుతం రామ్ చరణ్ చిరంజీవి ఆచార్య సినిమా ప్రమోషన్ లో చాలా బిజీగా ఉన్నారు. ఈ మధ్య ఈ ప్రమోషన్లో భాగంగా హరీష్ శంకర్ చిత్రబృందం ని ఇంటర్వ్యూ చేయడం జరిగింది.
ఇందులో భాగంగా చాలా ఆసక్తికర విషయాలు బయటకు వచ్చాయి. ఆచార్య సినిమాలో రామ్ చరణ్ సిద్ధ పాత్రను చేయలేకపోయి ఉంటే ఆ పాత్రలో పవన్ కళ్యాణ్ నటించే వారట. మెగాస్టార్ చరణ్ ఇంటర్వ్యూలో భవదీయుడు భగత్ సింగ్ చిత్రంలో అతిధి పాత్రలో నటించడానికి చిరంజీవి, రామ్ చరణ్ సిద్ధంగా ఉన్నట్టు తెలియజేశారు.ఇదేకనుక జరిగితే హరీష్ శంకర్, పవన్ క్రేజీ కాంబినేషన్ లో చరణ్, చిరు కూడా కనిపిస్తే బ్లాక్ బస్టర్ పక్కా అని అభిమానులు అభిప్రాయపడుతున్నారు.