Chiranjeevi: టాలీవుడ్ మెగాస్టార్ చిరంజీవి ఇటీవల నటించిన చిత్రం ఆచార్య. కొరటాల శివ దర్శకత్వంలో తెరకెక్కిన ఈ సినిమా షూటింగ్ పూర్తి చేసుకుని విడుదలకు సిద్ధంగా ఉంది. ఈనెల 29వ తేదీన ఈ సినిమా ప్రేక్షకుల ముందుకు రాబోతోంది. ఈ సినిమాలో మెగాస్టార్ తనయుడు చరణ్ కూడా కలిసి నటించాడు. ఈ సినిమాలో కాజల్ అగర్వాల్ కథానాయిక పాత్ర పోషించింది.తాజాగా చిరంజీవి తన ట్విట్టర్ అకౌంట్ పేరు మార్చారు. కొణిదెల చిరంజీవిగా ఉన్న ట్విట్టర్ అకౌంట్ పేరులు ఆచార్యగా మార్చారు.ఈనెల 29వ తేదీ ఈ సినిమా విడుదల కానుండటంతో ఈరోజు నుండే ఈ సినిమా ప్రమోషన్ మొదలు పెట్టారు. అందులో భాగంగా మొదటగా చిరంజీవి తన ట్విట్టర్ ఖాతా పేరును ఆచార్య గా మార్చుకున్నారు.
ఈరోజు హనుమాన్ జయంతి సందర్భంగా చిరంజీవి తన ట్విట్టర్ అకౌంట్ ద్వారా అభిమానులందరికీ హనుమాన్ జయంతి శుభాకాంక్షలు తెలియజేశారు.ఈ సందర్భంగా తన కుమారుడు రామ్ చరణ్ కి సంబంధించిన ఒక వీడియో ట్విట్టర్ ద్వారా షేర్ చేశాడు. ఆ వీడియోలో రామ్ చరణ్ ఒక కాటేజీలో మేకప్ వేసుకుని ఉండగా ఒక వానరం రాంచరణ్ మేకప్ వేసుకున్నంతసేపు అక్కడక్కడే తచ్చాడుతూ ఉంది. మేకప్ వేసుకోవడం పూర్తయిన తర్వాత రామ్ చరణ్ వానరానికి బిస్కెట్లు అందించాడు.
చిరంజీవి ట్విట్టర్ ద్వారా ఈ వీడియో షేర్ చేస్తూ హనుమ శ్లోకమైన ‘శ్రీ ఆంజనేయం.. ప్రసన్న ఆంజనేయం’ను బ్యాగ్రాండ్ గా పెట్టారు. ఇక ఆచార్య సినిమాలో రామ్ చరణ్ ఓ కీలక పాత్ర చేశాడు. ఇటీవల ఈ సినిమా నుండి విడుదలైన ట్రైలర్ అభిమానులను ఎంతగానో ఆకట్టుకుంది. ఈ సినిమా విడుదల కోసం అభిమానులు ఎంతో ఆసక్తిగా ఎదురు చూస్తున్నారు.