Allu Arjun : పుష్ప పార్ట్ 1 సినిమాతో బన్నీ రేంజ్ ఇండియా మొత్తం పెరిగింది. ఈ సినిమాతో అధికారికంగా పాన్ ఇండియా స్టార్ గా అయ్యాడు అల్లు అర్జున్. ఈ సినిమా లోని బన్నీ డైలాగులు, మ్యానరిజమ్స్ ను సాధారణ ప్రేక్షకులతో పాటు సెలబ్రిటీలు, క్రికెటర్లు కూడా అనుకరించారు.
పుష్ప ఫీవర్ ఎంతలా ఉందంటే విదేశాల్లోని వారు కూడా పుష్ప సినిమాలోని పాటలకు స్టెప్స్ వేస్తూ బన్నీ మ్యానరిజంను అనుకరించి సామాజిక మాధ్యమంలో పంచుకునేంత. ఇంత స్పందన సినిమా బృందం కూడా ఊహించలేదు అయితే ఇపుడు పుష్ప పార్ట్ 2 కోసం చిత్ర షూటింగ్ పనుల్లో బిజీ గా ఉన్నారు చిత్రా యూనిట్.
తాజాగా అందిన వార్త ప్రకారం ఈ సినిమాలో పార్ట్ 1 కన్నా మరింత బాగుండేలా ప్లాన్ చేస్తున్నారట. పార్ట్ 1 కన్నా పార్ట్ 2 లో ఎక్కువగా ఫైట్ సన్నివేశాలు ఉండబోతున్నాయట.పాటల విషయం లోనూ, మ్యానరిజం విషయం లోనూ మరింత శ్రద్ధ తీసుకుంటున్నారట టెక్నీషియన్స్. ఇక అల్లు అర్జున్ పార్ట్ 1 కన్నా పార్ట్ 2 లో ఎక్కువగా దాంతో యాక్షన్ సన్నివేశాలు ఉండాలని సుకుమార్ కి సూచించారట. కొరియోగ్రఫర్లు .. డాన్స్ కొరియోగ్రఫర్లు కొత్తదనం కోసం కసరత్తు మొదలెట్టారని సమాచారం. మైత్రి మూవీ మేకర్స్ నిర్మాణంలో తెరకెక్కుతున్న ఈ మూవీ లో రష్మిక హీరోయిన్ కాగా దేవి శ్రీ మ్యూజిక్ అందిస్తున్నాడు.
బన్నీ పుష్ప పార్ట్ 2 కోసం చాలా శ్రద్ధ తీసుకుంటున్నారని తెలుస్తోంది. ఈ సినిమా కోసం మరొక పెద్ద ప్రాజెక్టును కూడా వదులుకున్నారట బన్నీ. వేణు శ్రీరామ్ డైరెక్షన్లో చేయవలసిన ఐకాన్ సినిమా ను పుష్ప సినిమా కోసం వదులుకున్నారట. పార్ట్ 1 కు మించి పార్ట్ 2 ఉండాలని బన్నీ ఫిక్స్ అయినట్టు ఉన్నారు . అందుకే సినిమాకోసం తగ్గేదేలే అంటున్నారు. చూడాలి భారీ అంచనాల నడుమ పుష్ప పార్ట్ 2 ఏ మేరకు ప్రేక్షకులను ఆకట్టుకుంటుందో.