Allu Arjun :పుష్ప సినిమా తో పాన్ ఇండియా లెవెల్లో క్రేజ్ సంపాదించిన బన్నీ, ఆర్ఆర్ఆర్ సినిమాతో బిజీ గా ఉన్న రాజమౌళి వీళ్లిద్దరి కాంబినేషన్ కోసం అభిమానులు వేయి కళ్ళతో ఎదురుచూస్తున్నారు. కారణాలు ఏవైనా ఈ కాంబో మాత్రం తెరపైకి రాలేదు. తన హీరోలను రిపీట్ చేస్తూ బ్లాకబస్టర్ హిట్స్ ఇస్తున్న రాజమౌళి ఇపుడు బన్నీతో సినిమా చేయాలనీ అనుకుంటున్నాడు
బన్నీతో జక్కన్న సినిమా తీయాలని కోరుకున్న అభిమానుల కల నేడు నిజమయ్యింది. దర్శకుడు రాజమౌళితో బన్నీ సినిమా చేయబోతున్నట్లు అనౌన్స్ చేసిన విషయం తెలిసిందే. ఇక అప్పటి నుండి టాలీవుడ్ లో ఇదే హాట్ టాపిక్ గా మారింది. ఈ చిత్రం ఎలా ఉండబోతుంది ? హీరోయిన్ ఎవరు ? కథ ఏంటి ? అన్న అప్ డేట్స్ కోసం అభిమానులు ఎంతగానో ఎదురుచూస్తున్నారు. అటు సోషల్ మీడియాలోనూ ఈ విషయాలపై చర్చ నడుస్తోంది. అయితే లేటెస్ట్ గా ఈ సినిమాకి సంబంధించి ఒక వార్త వినిపిస్తోంది. ఈ సినిమా స్టోరీ ఒక ప్రముఖ నవలను ఆధారంగా చేసుకుని తయారు చేస్తున్నట్లు తెలుస్తోంది.
ఒక అద్భుతమైన ప్రేమ కథ…అలాగే మాయాజాలంతో కూడిన కథను రెడీ చేస్తున్నట్లు సమాచారం. ప్రముఖ నవలను ఆధారంగా చేసుకుని అందులోని మెయిన్ థీమ్ ను తీసుకుని రెడీ చేస్తున్నట్లు తెలుస్తోంది. ప్రేమ రొటీన్ టాపిక్ అయినప్పటికీ అందులో కొత్తదనాన్ని చూపుతూ పాన్ ఇండియా స్థాయిలో భారీగా తెరకెక్కించడానికి యోచిస్తున్నారట జక్కన్న. మరి ఈ ప్రాజెక్ట్ నుండి ఇంకా పూర్తి స్థాయిలో మరిన్ని విషయాలు తెలియాల్సి ఉన్నాయి.