శ్రీవల్లితో బన్నీ డాన్స్.. ముంబైలో ఫాన్స్ కి పండగే!

By VL on

అల్లు అర్జున్, రష్మిక మందన్న కలిసినటించిన పుష్ప 2 సినిమా విడుదలకు దగ్గరవుతుంది. ఈ సినిమా డిసెంబర్ 5న విడుదల కానుంది. దేశమంతటా సినిమా ప్రమోషన్లు జోరుగా కొనసాగుతున్నాయి. ఇప్పటికే టీజర్, ట్రైలర్ తో పాటు కొన్ని పాటలు విడుదల చేశారు చిత్ర బృందం. ట్రైలర్ తో పాటు కొన్ని పాటలు చాలా పెద్ద హిట్ కొట్టాయి. ఇందులో శ్రేయ ఘోషల్ పాడిన సూసేకి అనే పాట దేశమంతటా తెగ వైరల్ అయింది.

పుష్ప 1 తర్వాత అల్లు అర్జున్ క్రేజ్ దేశమంతటా వ్యాపించింది. సుకుమార్ దర్శకత్వంలో ఈ సినిమా చాలా మంచి సక్సెస్ ని సాధించి, పుష్ప 2 కోసం అందరిని ఎదురుచూసేలా చేసింది. గత మూడు సంవత్సరాల నుంచి అందరూ ఎదురు చూస్తున్న ఈ సినిమా ఆఖరుకు విడుదల తేదీకి దగ్గరగా వచ్చింది. సినిమా ట్రైలర్ రిలీజ్ నీ పాట్నాలో జరిపించిన చిత్ర బృందం ప్రమోషన్ల భాగంగా తాజాగా ముంబైలో ఒక ఈవెంట్ ని ఏర్పాటు చేశారు.

ఈవెంట్ లో ఐకాన్ స్టార్ అల్లు అర్జున్, నేషనల్ క్రైస్ట్ రష్మిక మండన్న ఇద్దరు మేరిసారు. ఈవెంట్ కు ముంబైలోని ప్రేక్షకులు తరలివచ్చారు. మీడియాతో కొంచెం సేపు ముచ్చట్లు పెట్టిన తర్వాత ప్రేక్షకుల కోరిక మేరకు స్టేజ్ ఎక్కి సూసేకి పాట కి డాన్స్ చేస్తూ సందడి చేశారు. బ్లాక్ సారీ తో మెరిసిపోతున్న రష్మిక, అల్లు అర్జున్ ల డాన్స్ ప్రేక్షకులకు కనుల విందుగా మారింది.

ఇదిలా ఉండగా ఈ సినిమాలో ఇప్పటికే మూడు పాటలు విడుదలయ్యాయి నాలుగో పాట త్వరలోనే విడుదల కానుంది. సినిమా ట్రైలర్ విడుదలైన సమయం నుంచి ప్రతి ఒక్కరూ సినిమా కోసం ఎంతగానో ఎదురు చూస్తున్నారు. సుకుమార్ అల్లు అర్జున్ ల మూడు సంవత్సరాల కష్టం ఈ సినిమాలో కనిపించనుంది. మరి అందరి ఎక్స్పెక్టేషన్స్కు ఈ సినిమా రీచ్ అవుతుందో లేదో తెలియాలంటే డిసెంబర్ 5న వరకు వేచి చూడాల్సిందే.