మొన్న అదేదో సినిమాలో నేచురల్ స్టార్ నాని జై బాలయ్య అనేశాడు. ఇప్పుడు మరో యంగ్ హీరో వంతు వచ్చింది. ఆయన మరెవరో కాదు, రామ్ పోతినేని. రామ్ పోతినేని ప్రస్తుతం బోయపాటి శీను డైరెక్షన్‌లో ఓ సినిమా చేస్తున్న సంగతి తెలిసిందే. ఈ సినిమాలో రామ్‌తో జై బాలయ్య అనిపించాలనుకుంటున్నాడట డైరెక్టర్ బోయపాటి శీను.
బోయపాటి శీనుకు బాలయ్య అంటే పిచ్చి ప్రేమ. వీరిద్దరి కాంబినేషన్‌లో వచ్చిన సినిమాలన్నీ మాస్ మసాలా సూపర్ హిట్సే. సో, ఆ సెంటిమెంట్‌ని ఈ సినిమాకి వాడాలనుకుంటున్నాడో ఏమో.! ఒకానొక సందర్భంలో హీరో చేత జై బాలయ్య అనే శ్లోగన్ చెప్పించేలా కథనాన్ని క్రియేట్ చేస్తున్నాడట. అంతేకాదు, గ్రాఫిక్స్‌లో బాలయ్యను చూపించే అవకాశాలున్నట్లు తెలుస్తోంది.
ఈ మధ్య అగ్రహీరోల రిఫరెన్సులు యంగ్ హీరోలకి బాగా కలిసొస్తున్న ముచ్చట తెలిసిందే. అసలే ఫ్లాపుల మీదున్న రామ్ పోతినేనికి కూడా బాలయ్య రిఫరెన్స్ వర్కవుట్ అవుతుందేమో చూడాలి మరి.