మీకు ఛత్రపతి సినిమా గుర్తుందా? ప్రభాస్ రేంజ్ నే మార్చేసిన సినిమా అది. టాలీవుడ్ దర్శకధీరుడు రాజమౌళి దర్శకత్వంలో వచ్చిన సినిమా అది. ఆ సినిమా తెలుగు ఇండస్ట్రీలో రికార్డులను తిరగరాసింది. ప్రభాస్ ను స్టార్ హీరోను చేసిన సినిమా కూడా అదే.
ఇప్పుడు ఆ సినిమాను బాలీవుడ్ లో రీమేక్ చేస్తున్నారు. అయితే.. బాలీవుడ్ లో అనగానే.. ఏ బాలీవుడ్ స్టార్ హీరో ఈ సినిమాలో హీరోగా యాక్ట్ చేస్తాడేమో అని అనుకుంటారు కానీ.. బాలీవుడ్ హీరో కాదు.. మన టాలీవుడ్ హీరో బెల్లంకొండ సాయిశ్రీనివాస్ ఈ సినిమాలో హీరోగా నటిస్తున్నాడు.
ఆయన బాలీవుడ్ కు ఎంట్రీ ఇస్తున్న సినిమా కూడా ఇదే. ఈ సినిమాకు స్టార్ డైరెక్టర్ వీవీ వినాయక్ దర్శకత్వం వహిస్తున్నారు. బెల్లంకొండను హీరోగా పరిచయం చేసింది కూడా వీవీ వినాయకే. మళ్లీ ఆయన దర్శకత్వంలోనే బాలీవుడ్ కు సాయిశ్రీనివాస్ పరిచయం కాబోతున్నాడు.
ప్రస్తుతం సాయిశ్రీనివాస్.. అల్లుడు అదుర్స్ అనే సినిమాలో నటిస్తున్నాడు. ఈ సినిమాకు సంతోష్ శ్రీనివాస్ దర్శకత్వం వహిస్తున్నాడు. ప్రస్తుతం ఈ సినిమా షూటింగ్ నడుస్తోంది. అల్లుడు అదుర్స్ తర్వాత సాయిశ్రీనివాస్… ఛత్రపతి రీమేక్ లో నటించనున్నాడు.