టాలీవుడ్ యంగ్ హీరో అక్కినేని నాగచైతన్య గురించి ప్రత్యేకంగా పరిచయం చేయాల్సిన అవసరం లేదు. ఏ మాయ చేసావే సినిమా ద్వారా హీరోగా టాలీవుడ్ ఇండస్ట్రీకి పరిచయమైన నాగచైతన్య మొదటి సినిమాతోనే మంచి హిట్ అందుకున్నాడు. తర్వాత నాగచైతన్య నటించిన కొన్ని సినిమాలు ఫ్లాప్ అయినా కూడా మరికొన్ని సినిమాలు మాత్రం నాగచైతన్యకు మంచి హిట్స్ ఇచ్చాయి. ఈ క్రమంలో సమంతని ప్రేమించి పెద్దల అంగీకారంతో వివాహం చేసుకున్న నాగచైతన్య కొంతకాలం ఇద్దరు ఎంతో సంతోషంగా జీవించారు. ఆ తర్వాత ఇద్దరి మధ్య మనస్పర్ధలు రావటంతో విడాకులు తీసుకొని ఒకరి నుండి ఒకరు విడిపోయారు.
ఆ సమయంలో నాగచైతన్య మీద సోషల్ మీడియాలో ఎన్నో విమర్శలు వినిపించాయి. అయినప్పటికీ నాగచైతన్య ఎక్కడ స్పందించలేదు. ఎందుకంటే నాగచైతన్య ఎప్పుడు సోషల్ మీడియా కి చాలా దూరంగా ఉంటాడు. తాను నటించిన సినిమాలు రిలీజ్ చేసే సమయంలో మాత్రమే ఆ సినిమాకు సంబంధించిన పోస్ట్ లు చేస్తు ఉంటాడు. ఇలా సోషల్ మీడియాకు దూరంగా ఉండే నాగచైతన్య ఇటీవల మాత్రం కొంతవరకు యాక్టివ్ గా ఉంటున్నాడు. సమంతతో విడాకులు తీసుకున్న తర్వాత నాగచైతన్య పర్సనల్ లైఫ్ గురించి సోషల్ మీడియాలో ఎన్నో రూమర్లు వినిపిస్తున్నాయి. నాగచైతన్య హీరోయిన్ తో రిలేషన్ లో ఉండటం వల్లే సమంతకు విడాకులు ఇచ్చాడని చాలా కాలంగా వార్తలు వినిపిస్తున్నాయి. అయినప్పటికీ నాగచైతన్య ఈ విషయం గురించి స్పందించటం లేదు.
ఇటీవల నాగ చైతన్య సోషల్ మీడియా గురించి ఇంట్రెస్టింగ్ కామెంట్స్ చేశాడు. నాగచైతన్య ఇటీవల సోషల్ మీడియాలో పోస్ట్ చేస్తూ..“నేను సోషల్ మీడియా నుంచి డిస్కనెక్ట్ అయ్యాను. నిజానికి సోషల్ మీడియాలో యాక్టివ్ గా ఉండటం నాకు చాలా బోరింగ్గా ఉంటుంది. కానీ నేను నటించిన సినిమాలు విడుదలవుతున్న సమయంలో ఆ సినిమా గురించి పోస్ట్ చేయటం కంటే ఎక్కువగా ఆ సినిమా గురించి వచ్చే వార్తలను చదివేందుకు ఆసక్తి చూపుతాను. ఎందుకంటే ఆ వార్తలు చాలా విషపూరితమైనవిగా ఉంటాయి. వాటిని ఫిల్టర్ చేసి ఏది మంచి ఏది చెడు అనేది తెలుసుకోవడం చాలా ముఖ్యం. ఆ వార్తలలో మంచి చెడులను గుర్తించలేక పోతే సోషల్ మీడియా మనల్ని చెడు మార్గంలో తీసుకెళ్తుంది. అందువల్ల సోషల్ మీడియాలో వచ్చే వార్తలను అర్థం చేసుకోవడం ఆరోగ్యానికి చాలా మంచిది అని నాగచైతన్య ఇంట్రెస్టింగ్ కామెంట్స్ చేశాడు.